Diyarname
Şaredariya Bajarê Mezin a Amedê ji bo  21'ê Reşemî Roja Zimanê Zikmakî ya Cîhanê çalakiyan li dar dixe. Di nav bernameyê de nîşandayîna fîlman, lîstina şanoyê, panel, forûm û konser hene. 

Şaredariya Bajarê Mezin a Amedê, di çarçoveya 21' Reşemî Roja Zimanê Zikmakî ya Cîhanê de bernameyeke rengîn li dar dixe.

Çalakiyên ku ji aliyê Serokatiya Daîreya Çand Huner û Karên Civakî ve tên organîzekirin, dê di navbera 19-22'yê mehê de  li Navenda Çand û Kongreyê ya Çand Amedê û li gelek cihên cuda werin lidarxistin.

Di çarçoveya bernameyê de; nîşandana belgefîlm û kurtefîlman, lîstika şanoyê û performansa stand-upê, panela “Zimanê Zikmakî û Perwerdehî”, foruma “Zimanên Di Bin Talûkeyê De” û konsera pirzimanî cih digirin. Bername bi konsera xwendekarên Konservatuwara Aram Tigran wê bi dawî bibe. Di bernameyê de xwendekar wê stranên bi kurdî (kurmancî, kirmanckî), ermenkî û suryankî bistirên.

Not: Ji bo bernameyê dikarin li hesabên şaredarî binêrin