Diyarname

Li Iraqê par di meha 10’ê kewçêrê de hilbijartina ji bo parlemenê çêbû. Ji wê rojê de heta niha her nîqaş heye û hikumet nehatiye sazkirin. Û 73 mebûsên girêdayî Mukteda es-Sadr îstîwa kirin. Niha dê çawa be?

Sadr ji Serokê Koma Parlemenê ya tevgera wan Hasan Azerî re nameyeke şand û xwest îstîfa bikin. Û 73 mebûsên girêdayî Tevgera Sadr roja 12’yê mehê îstîa kirin. Bi vê yekê tevliheviya li Iraqê hê gurtir bû.

Tevgera Sadr, Koalîsyona Serdestiya Sunî û PDK’ê bi navê “Îtîfaqa Rizgarkirina Welat” ava kiribû û ew bi hev re tevdigeriyan. Bi vê gavê re wê îtîfaqê jî derbe xwar. Sadr di nameya şandiye de sipasiya PDK û Koalîsyona Serdestiya Sunî kir.

Çapemeniya ereb li ser bûyerê dibêje ku Sadrî şirîkên xwe yên di îtîfaqê de xistine nava zehmetiyê. Her wiha dibêjin ku ev gav dibe bi kêrî Çarçoveya Koalîsyonê bê.

Di hilbijartina par de Tevgera Sadr bûbû yekemîn, lê nekarî hikumetê saz bike. Ji par de li Iraqê ne hikumet saz bû, ne jî Serokomar hat hilbijartin. Li gor zagona Iraqê postê serokomarî di destê kurdan de ye, lê ji ber ku PDK û YNK’ê li hev nekir, serokomar jî nehat hilbijartin. YNK’ê Serokomarê niha Berhem Salih wekî berendam nîşan dabû, lê PDK dij derketibû û berendamek din nîşan dabû. 

Niha nediyar e dê çawa be lê wisa diyar e ku xirecira li Iraqê dê kûrtir bibe.
REWŞA MECLISÊ

Di hilbijartina par de Tevgera Sadr bi 73 mebûsan bûbû yekemîn. Partiya Takaddum (partiya Serokê Meclisa Iraqê yhe berê Mihimed Halbusi) 37 kursî, Koalîsyon Dewleta Zagonî (di bin rêberiya ji serokwezîrê berê Nuri el-Maliki de) 33 PDK’ê 31, Koalîsyona Fethê (di bin rêberiya Hadi el-Amiri ku baska siyasî ya Heşdî Şabî ye) 17 kurdî, Koalîsyona Azîm (girêdayî siyasetmedarê sunî Hamis Hançer) 14 kursî, Îtîfaqa Kurdistanê (ji YNK û Goran pêk dihat_ 17 kurdî, Tevgera Nifşê Nû 9 kurdî, Koalîsyona Îmtîdad (navenda wê li Nasiriye ye) 9 kursî girtibûn.