Diyarname
Kovara Nûbiharê bi hejmara xwe ya 173'yan derket. Kovarê di vê hejmarê de cih daye "100 Saliya Serhildana Şêx Seîd Efendî" amade kiriye.
Bi ser Serhildana Şêx Seîd re tam 100 sal derbas bûn. Di nava salê de li ser serhildanê gelek panel, gotûbêj û çalakî li dar ketin. Niha jî kovara Nûbiharê hemû hejmara xwe ji bo vê yekê veqetand.
Kovarê ev hejmara xwe ya 173'yan ya payîza 2025'an bi temamî ji bo serhildanê veqetandiye. Kovarê sernavê "100 Saliya Serhildana Şêx Seîd Efendî" bikar aniye û nivîs, hevpeyvîn, helbest, bi kurt û kurmancî hemû rûpelên kovarê ji bo vê yekê veqetandiye. Hin jê nû ne, nû hatine nivîsîn, hin jê ji arşîvan derketine, lê hemû li ser serhildanê ne.
'EZ GELEK BEXTEWAR IM'
Edîtorê kovarê Suleyman Çevîk gotiye "Sebebek din jî pirsgirêka Kurd e; îro li meydanê pirsgirêkek çareser nebûyî heye. Pirsgirêka Kurdan çiqas hatiye rojevê Şêx Seîd jî, Seyid Riza û kesên din jî ku ji eynî meselê bedel dane, têne rojevê û jibîr nabin. Jixwe nivîsên ku di vê jimarê de weşiyane, bi awayekî bersiva vê pirsê ne."
Çevîk bi vî awayî dawî li nivîsa xwe aniye, "Ji ber ku me dosyayek wiha amade kiriye ez gelek bextewar im. Li vê derê spasiya wan kesan dikim ku bi nivîsên xwe, keda xwe kirin vê jimarê. Bi taybetî Abdullah İncekan çend kes û çend mijar tawsiye kirin, gelek spasiya wî dikim. Bi vê nivîsa pêşkeşiyê deriyê kovarê li we vedikim.
We keremî hundirê kovarê dikim, kerem bikin."
KESÊN KED DANE
Nivîs, helbesta, bîranîn, helbestên van kesan hatine weşandin: Suleyman Çevik, Kasim Firat, Rojen Barnas, M. Malmîsanij, Mahmut Akyurekli, Tahsin Sever, Kamiran Alî Bedirxan, Firat Aydınkaya, Vahap Coşkun, Mahsûn Reşçelan, Yunus Demir, Altan Tan, Kemal Burkay, Merve Firat, Ruşen Arslan, Ali Haydar Uzulmez, Ercan Çaglayan, Abdullah Încekan, Yehya Omerî, Salih Cemal, Yildiz Çakar, Muhyiddin Zinar, Îlyas Mîrza Korkutata, Seydayê Xelatî, Xezala Redkanî, Selîm Temo, Konê Reş, İbrahim Şahin & Omer Guneş, Ekrem Malbat, Seîd Veroj, Bilal Zilan, Mela Huseynê Hênî (Dilbî), Brahîmê Alûcî. Muhammed Sabir Firat, Mehmet Yildirimçakar, M. Zahir Kayan, Tahir Dilnas Koçeran, Seydayê Tîrêj.