Diyarname
Vê hefteyê 8 fîlm dikevin vîzyonê. Yek jê animasyon e. Fîlmê "Avatar: The Way of Water" di sala 2022'yan de ketibû vîzyonê, niha carek din derdixin vîzyonê. Fîlmekî bi kurdî-tirkî heye "Daglardan Başka Tanik Yok" (Ji bilî çiyan şahid tune ye) ne serketî ye, lê ew jî di nav fîlmê hefteyê de ye. Em fîlmê aksiyonê yê Paul Thomas Andersonî "One Battle After Another" derdixin pêş.

LI SER ŞER
Fîlmê derhêner Paul Thomas Anderson "One Battle After Another" (Şerên li dû hev) li Tirkiyeyê wekî "Li ser şer" wergerandine tirkî û xistine vîzyonê. Lîstikvanên navdar di fîlm de hene wekî Leonardo DiCaprio, Benicio del Toro, Sean Penn ji bilî van Regina Hall, Teyana Taylor, Chase Infiniti, Wood Harris, Alana Haim di fîlm de dilîzin.
Bob şoreşgerekî kevn e, ji ber paranoyayê ligel keça xwe Willa li cihek ji şaristanî dûr dijî. Neyarê wî yê berê piştî 16 salan dema dertê û keça wî jî winda dibe, wê çaxê ew bi paşeroja xwe re rû bi rû dibe. 
Bob wê bike ku ligel hevrêyên xwe yên berê keça xwe rizgar bike.
Muzîkarê navdar John Greenwood muzîkên vî fîlmî çêkirine.

Va ne hemû fîlmên vê hefteyê:
- One Battle After Another / Derhêner Paul Thomas Anderson
- Gabby’s Dollhouse: The Movie / Derhêner Ryan Crego
- Dangerous Animals / Derhêner Sean Byrne
- Avatar: The Way of Water / Derhêner James Cameron
- Spiked / Derhêner Caroline Origer / anîmasyon 
- Daglardan Başka Tanik Yok /  Derhêner Kurtuluş Baştimar 
- Aşk ve Yemek / Derhêner Muge Ugurlar
- Sahra / Derhêner Enes Bilal Taşçi

Wekî notek, vê hefteyê Festîvala Fîlman a Payîzê Fîlmekîmî jî li Stenbolê dest pê kir. Yên bixwazin dikarin li fîlmên vê festîvalê jî binerin.
 

***

Nûçeya Eleqedar:

- ‘Fîlmekîmî’ hat