Diyarname
Li hemberî şîdeta di qada tenduristiyê de Bulent Ortaçgil û komek hunermend konserek "sen"fonîk li dar dixin.

Odeya Tabîbên Stenbolê ji bo jiyandina bîranîna Dr. Ersin Arslan (dema li ser karê xwe bû rastî şîdetê hatibû û hatibû kuştin) û piştgiriya bi malbata wî re li Harbiyeyê konsereke li dar dixe. Di konserê de digel Bulent Ortaçgil, dê Erkan Ogur û Bîrsen Tezer jî wekî mêvan derkevin ser dikê.

Odeya Tabîban a Stenbolê di daxuyaniya ku ji bo vê weşand de got ku di dema ku çi ji destê hempîşeyên me tên dikin de, me wekî encama pirsgirêkên di qada tenduristiyê de derdikevin nîşan didin. Di daxuyaniyê de wisa hat got: "Her ku me wekî encama pirsgirêkên tenduristiyê nîşan dan, her ku pîşeya me xistin asta bêqîmet asta şîdetê zêde bû. Digel hemû hişyariyên me jî tiştê em jê ditirsiyan têbû û hempîşeyê me yê ciwan Dr. Ersin Arslan li Entabê li ser karê xwe bi kuştinek ji jiyanê û hezkiriyên xwe hat qetandin. Me got 'bila dawî li şîdetê bê' û em derketin qadan. Wan rojan me sozek jî da hempîşeyên xwe, me got: 'Emê ji bîr nekin, nedin jibîrkirin! Li hemberî şîdeta dijî terduristiyê emê şopînerên daxwazên xwe bin.'"

Daxuyanî wisa didom: "Li ser soza wê rojê me da, ji bo bîranîna Dr. Ersin Arslan û piştgiriya bi malabat wî re, ji bo em "Ji şîdeta di tenduristirê re bibêjin na" em li Harbiyeyê konserek lidar dixin. Hunermendê me yê hêja Bulent Ortaçgil digel orkestrayek senfonik a ji 40 kesî pêk hatî dê derkeve ser dikê û Erkan Ogur û Bîrsen Tezer jî wekî mêvan amade bin."

Di konserê de dê li ser jiyana Dr. Ersin Arslan û şîdeta li hemberî dixtoran sînevîzyonek bê nîşandayîn.

Konser 24'ê vê mehê dê saet 20.30 de li Şanogeha Servekirî ya Harbiyeyê li dar bikeve.