Diyarname
TURSAK (Weqfa Çandê ya Sînema û Audiovisuel a Tirkiyeyê) îsal cara yekem bi navê "Doganin Ruhu” (Rihê Xwezayê) Pêşbaziya Kurtefîlman li dar dixe. Ev xebat di çarçoveya 8'emîn Festîvala Jiyana Xwezayî de wê li dar bikeve. Yên bixwazin heta 1'ê rezbera 2025'an divê kurtefîlmên xwe bişînin ber destên amadekaran.

Festîvala Jiyana Xwezayî wê rojên 27-28'ê rezbera 2025'an li dar bikeve. Di vê çarçoveyê de kurtefîlmên bi ser bikevin jî van rojan wê bêne xelatkirin. Kurtefîlmê bibe yekemin wê bi 100 hezar, duyemîn bi 50 hezar û sêyemîn jî bi 25 hezar TL'yî bê xelatkirin.

Armanc ji vê ew e ku berhem çanda berdewamiya jiyana xwezayî derxe pêş. Kurtefîlm dikarin vesazkirî yan jî belgefîlm bin û divê 10 deqîqeyî derbas nekin.

Serokatiya juriya vê pêşbaziyê endama Lijneya Rêveberiyê ya Yilmaz Ulusoy Holdingê Pelin Ulusoy Tepret e û endamên juriyê jî ev in: Derhêner û senarîst Ozan Açiktan, lîstikvan İlker Ayrik, senarîst û derhêner Ozer Feyzioglu, rexnegirê sînemayê û senarîst Burak Gural, perwerdekar Tuna Kamhi, ji Atolyeya Xebatên Dîjîtal Berk Keklik.