Diyarname
Li Wan, Bedlîs û Mûşê dawiya vê mehê sê festîvalên cuda hene. Niha dîroka wan diyar bû.

WAN
Li Erdîşa Wanê bi navê Şahiya Biharê ya Zîlanê fesTîvaleke ku sê rojan dê bidome li dar dikeve. Rojên 27, 28 û 29'ê vê mehê li "Sahil Yolu" ya Erdîşê wê şahî li dar bikeve. Hemû çalakî bê bilêt in. Roja yekem hunermend Mûrad Demîr û Xecê, roja duyem Koma Sorjiyan û Xêro Abbas, roja sêyem jî Rojda Şenses û Kadîr Çat dê konserê bidin.

BEDLÎS
Li Tetwana Bedlîsê şaredarî ragihandibû ku dê navbera 27'ê pûşperê û 12'yê tîrmehê 57'emîn Festîvala Çand û Hunerê li dar bixin. Ligel pêşangeh, panelan, hunermendên wekî Rojda, Beser Şahin, Mikail Aslan, Kasim Taşdogan, Suavî, Sorjiyan, Hemid Karadeniz, Pinar Aydinlar, Babetna, Seyitxan Sevinç, Kadir Çat, Arhat, Kollektîfa Ritmên Azad, Kasedjin, Xecê, Bajar konseran pêşkêş bikin.

MÛŞ
Li Gimgima Mûşê di navbera rojên 29-30'ê pûşperê Festîvala Çand, Xweza û Jinê li dar dieve. Di roja pêşî ya festîvalê de wê ji bo Ekîn Van û jinên din ên hatine kuştin meş li dar bikeve. Li darketina atolyeya, nîşandayîna fîlmên li ser jinan hin çalakiyên roja pêşî ne.
Di roja duyem de meşa li nav xwezayê, spor û egzersîz wê çêbin, Dûre atolyeya jineolojî wê li dar bikeve. Nava rojê lîstina govendê ji aliyê komên govendê ve, tûrnûvaya voleybolê û êvarê jî bi konsera Beser Şahîn û Xecê dê festîval temam bibe.