Diyarname
Hunermendê navdar ê îngilîz Stîng ku ev 40 sal in ji bo mafên mirovan têkoşînê dide vê carê li Kazakistanê konsera xwe betal kir.

Di çarçoveya ragihandina Astanayê ya wekî paytext û ji bo rojbûna Serokomarê Kazakistanê Nursultan Nazarbayev, di çarçoveya "Rojên Astana"yê de konsere pêşkêş bikira, lê Stîngî konsera xwe betal kir. Wî di malpera xwe "www.sting.com" de ev agahî da.
Stîngî binpêkirina mavên karkeran a li Kazakistanê wekî sedem nîşan da û wisa got: "Rêxistian Efûyê ya Navneteweyî di rojên dawî de raporan amade dike ku li Kazakistanê, karkerên neftê, rêveberên sendîkayan û rêxistinên saziyên sivîl ku tevî wan dixebitin bi zordarî re bi rû dimînin. Di dema ku zordariya li hemberî karkerên neftê û gazî û malbatên wan didome ne ne dibû ku ez li wê derê konserê bidim."

Stîng diyar dike ku ev 40 sal in li hemberî binpêkirina mafên mirovan têdikoşim, ger min konser bida minê binpêkirinên li hemberî mafên karkeran erê bikira ku ez vê yekê qebûl nakim.

Li gor bernameyê Stîngî dê 4'ê tîrmehê de li Kazakistanê konser bida.

Stîng kî ye?

Hunermendê navdar Stîng di 2'yê kewçêra 1951'ê de li Wallsend a Îngilistanê hatiye dinê. Stîng ku heta niha bi dehan album derxistiye, gelek xelatên Grammy û Oscarê jî girtiye. Albumên wî li dinyayê bi mîlyonan hebî têne firotin. Wî albuma xwe ya dawî di 2010'an de bi navê "Symphonicities" derxistibû.

Vaye ji albuma wî ya dawî stranek: