Diyarname
Li taxa Kizilpinar a navçeya Çerkezkoya Tekîrdaga Tirkiyeyê kurdan komeleyeke bi navê "Komeleya Lêkolîn "û pêşvebirina Ziman û Çandê ya Mezopotamyayiyan" vekir. Polîs û leşker çûn komeleyê, foto kişandin û gotin ewê Lêkolînê bikin. Komeleyê dijî vê yekê daxuyanî da.

Komele roja 18'ê gulana 2025'an de hate vekirin. Li ser camên komeleyê wêneyên rêberên kurdan hatin bi cih kirin. Li ser nivîsên bi kurdî jî bi tîpên mezin hatin nivîsandin. Piştî vekirina komeleyê bi rojek leşkerê herêmê çûne komeleyê. Her wiha ji Polîsên ji Maseya Komeleyan jî çûne komeleyê,f foto kişandine û pirsa, "Çima tîpên kurdî ji tîpên tirkî mezintir hatine nivîsandin" jî kirine.
Îro li ser vê yekê DEM partî , Komeleya Mezopotamya, Tuay - der û 
Yakay- derê daxuyanî da çapemeniyê. Yek ji mamosteyên komeleyê Cevdet Zîlanli daxuyanî xwend.

Di daxuyaniyê de bal kişandin ser pêvajoya çareseriyê ku didome û wiha hat gotin, "Em jî wekî saziyên  rêxistinî, komeleyên ziman û çandê û tevlî komeleyên din ve piştgiriyê bê gotin didin vê pêvajoya aştî û heqîqetek ku pêk bê ji bo hemû gelan ū civaka demokratîk."

Di daxuyaniyê de hat gotin ku "Ji qereqola navçeyê serleşker tevî gelek leşkeran ve bi tevlî hinek kesên sivil, li ser komeleya me de girtine û lêgerîn kirine" "û wiha hat gotin "Wan, wêneyên rewşenbîrên kurdan kişandin, nêzîkatiyeke gelek çewt nîşanî me dan. 
Ya herî girîng jî, ji me re gotin, herfên kurdî çima ji herfên tirkî mezintir in û girêdayî van gotinan şiroveyên bê hiqûqî kirin. 

Piştî lêgerina komelê û tevlî wan gotinên xwe ye ne bi cîh de, nîşeyên xwe lêgerînê û wêneyên di komelê de ên rewşenbîrê kurdan kişandine, û gotine me de, ji bo van kêmaniyan emê li we careke din vegerin. Em jî wek sazî û rêxistinên demokratîk van nêzikatiyê wan li hember çanda kurd û zimanê kurdî tundî rexne dikin ú şermezar dikin. Dibê bila bê zanîn zimanê kurdî, çanda kurdî îro bi hebûna mîlyonan kurd dijî. Ev ziman ú çanda herî qedîm bê xwedî û bê xwedan nîn e. Gelê kurd her tim ziman û çanda xwe xwedîderketiye, 
yê îro şûn de jî bêtir û bê navber yê xwedî derkeve."