Amed
Lijneya Dîsîlpînê ya Fûtbola Profesyonel (PFDK) ya girêdayî TFF'ê (Federasyona Fûtbolê ya Tirkiyeyê) cezayeke giran li Amedsporê birî bû. Sedem jî ji ber ku klûbê wêneyek ku porê keçikek tê honandin.
Li hemberî vê îro Lijneya Şêwrê ya Bilind a Amedsporê li avahiya GGC'ê Cemiyeta Rojnamegeran a Başûrêrojhilat) daxuyanî da çapemeniyê.
Serokê Lijneya Şêwrê ya Bilind Metin Kilavuz, Hevşaredarên Bajarê Mezin a Amedê Serra Bûcak û Dogan Hatûn û hevşaredarên navçeyên Amedê, endamên saziyên sivîl beşdar bûn.
Daxuyanî ji aliyê Endama Lijneya Şêwrê ya Bilind a Amedsporê Sorgul Aytek ve hate xwendin.
Va ne notên ji daxuyaniyê:
- Roja 23'ê rêbendanê li ser hesabên me vîdeoyek hat belavkirin ku li hundirê stadê keçikek porê xwe dihone. Armanca vê vîdyoyê ew e ku dîtinbariya jinan di qadên werzîşê de zêde bike û li hemberî tundiya li ser jinan hişmendiyeke civakî ava bike.
- Ev vîdyo ji bo 25'ê Sermawezê Roja Têkoşîna li Dijî Tundiya li ser Jinan a Navneteweyî hatiye amadekirin.
- Ev roja 22 sermaweza 2025'an di dema maça tîmên jinan ên AMmedspor û Trabzonsporê de hatiye belavkirin. Her du tîm jî di Lîga Super de ne û vîdeyo li ser hesabê Tîma Futbolê ya Jinan a Amedsporê hatiye weşandin.”
'FEDERASYONÊ BERÊ SÛC NEDÎT, NIHA WEKÎ SÛC NÎŞAN DAN'
- Ev vîdeoya ku berê hatibû weşandin TFF'ê têde tu pirsgirêk nedîtibû, lê niha, yanê 27'ê rêbendana 2025'an Amedspor sewqî PFDK'ê kir. PFDK'yê bi sedema ‘daxuyaniyên rûmeta futbol û saziyên wê xira dikin û propagandaya îdeolojîk’ 802.500 TL cezaya pereyan li Amedsporê birîye û her weha 15 roj cezaya mahrûmiyeta mafan li Serokê Klûbê Nahit Eren daye.”
Di daxuyaniyê de Lijneyê û saziyên piştgirî didin ev xal anîne ziman:
- Em cezakirina Amedsporê ji ber helwesta wê ya li dijî tundiya li ser jinan û ji bo parastina hebûna wekhev û ewle ya jinan di sporê de, wekî kirineke nayê qebûlkirin dibînin.
- Helwest û biryarên neheq ên li hemberî Amedsporê, yên ku êdî bûne domdar, şermezar dikin.
- Li dijî her cure cudakarî û bêhiqûqiya li hemberî Amedsporê disekinin û pêvajoyên hiqûqî yên ji bo pêkanîna edaletê ji nêz ve dişopînin.
- Di bin pêşengiya saziyên sivîl de, ji bo buhayê vê cezayê em bidin, kampanyayeke mezin a piştgiriyê didin destpêkirin.
- Em bang li TFF û PFDK'yê dikin ku biryarên xwe yên li dijî Amedsporê di pîvana heqaniyetê de ji nû ve binirxînin û li gorî prensîbên gerdûnî yên sporê û wijdana civakî tevbigerin.
**
Nûçeya Eleqedar:
.jpg)
