ALİ BARIŞ KURT
Her ku diçe lincên nîjadperestî yên li dijî Kurdan ber bi xeteriyê ve diçin. Rêwiyên Kurd yên ji Afyonê ber bi bajarên Kurdan ve tên, rastî êrîşa komên hêjmara wan digehe sedan nîjadperestan hatin. Di êrîşan de camên otobusan hatin şkandin, li rexmî ku cendirme li cihê bûyerê jî bûn mudaxeleyî bûyerê nekirin, tenê temaşe kirin.
Otobusên aydê fîrmayên taybet yên ji Afyonê ber bi Êlih û Amedê ve diçin seyahetê li gorî demjimêra herêmî 21.30’an de rastî êrîşên nîjadperestan hatin.
S.E yê di derbarê bûyerê de agahî dane ANF’ê, ev tişt anîn ziman: “otobusa ku me seyahet pê dikir, rêvîng ji Otogara Afyonê girtibûn. Dema ku em nêzî derketina bajar bûn, me cendirme û wesayîtên rawestandî dîtin. Em fikirîn ku qeza çêbûye û em libendê man. Lê belê me piştre dît ku komek li pişt cendirmeyane û ber bi otobusa me ve hatin. Çend otobusên diçûn bajarên Kurdan li pişt pişta hev bûn. Koma qelebalix heqaret li Kurdan kirin û êrîşî van otobusan kirin.”
S.E yê ku dê ji Îzmîrê çûba Amedê da diyarkirin ku, koma nîjadperest ya êrîşkar bi awayek organîze kirî, ji aliyên çepê û rastê yên rê êrîş kirin. got; “Camên otobusê şkandin, rexê wan tebiqîn. Cendirmeyan jî qet mudaxele nekir. Tenê temaşeyî êrîşê kirin. hêjmara êrîşkaran tam nizanim lê ji 500 kesî kêmtir nebûn.”
S.E bilêv kir ku, otobusên piraniya rêvîngên wan Kurd bûn, dema ku cendirmeyan mudaxele nekir ji bo xwe rizgar bikin ket tevgerê. S.E ragihand ku, “ Dema ku em ketin tevgerê jî êrîşkaran bi wesayîtên xwe em şopandin. Di rê de me tengav kirin. otobus tengav kirin. Em neçarman li cihek yên bêhn vedanê rawestin.”