Diyarname
Sirri Süreyya Onder ku duh (3'ê gulanê) miribû îro bi merasimek hat oxirkirin. Merasima li AKM'ya li Taksîma Stenbolê dest li dar ket.
Li AKM'ê Onder di tabûtê de ligel malbat û hezkiriyên wî anîn ser dikê. Bi hezaran kesî salon tije kir.
Keça wî Ceren Onder Kandemir, Hevserokên DEM Partî Tuncer Bakirhan û Tulay Hatimogullari, Dayika Aştiyê Rewşan Doner, derhêner Berkun Oya û endama Heyeta Îmralî Pervin Buldan di merasimê de axivîn.

Bakirhan di axaftina xwe de got, "Soz bo te ava Firatê wê biherike nava Marmarayê. Soz bo te wê aştî bi ser bikeve. Emê bêriya ew dilê te yê xweşik bikin."

Buldan jî got ku "Gelek zor e mirov xatir ji te bixwaze, bêje oxir be" û got, "Emê xeyalên te bînin cih. Emê emaneta ku te teslîmê me bikir bi cih bînin. Wekî dayikên kurd û tirk emê dest bidin hev. Emê desten diya gerîlayan û diya polîsan bigihînin hev. Aştiya mezin wê were vî welatî. Te her xeyala vê yekê dikir. Te bareke gelek mezin danî ser milê min, ligel hemû gelan emê vî barî hilgirin. Emê miheqeq aştiyê bînin." 

Piştî merasimê cenaze birin Mizgefta Hayrettin Paşa ya li Şîşliya Stenbolê. Li esirkî nimêj kirin û cenazeya Sirri Soreyya Onder birin Goristana Zincirlikuyu. Cenaze li vir bi beşdariya hezaran kesî hat definkirin.
Bi hezaran kesî diruşma "Qasidê aştiyê bêmirin e" bilind kirin.