Diyarname

Desteya Çand û Hunerê ya Kantona Cizîrê û Tevgera Hîlala Zêrîn a Çand û Hunera Jinan, her sal rojên 1 û 2’ê adarê ji bo  8’ê Adarê Roja Jinan a Cîhanê, "Mîhrîcana Wêje û Hunera Jinan" li dar dixe, lê îsal bi paş ve avêtin.
Desteya Çand û Hunerê îro ragihand ku 10'emîn Mîhrîcana Çand û Wêjeya Jinan taloqî meha avrêlê/nîsanê kirine.
Der barê mijarê de Hevseroka Desteya Çand û Hunerê Firyal Çolî ji bo ANHA'yê gotiye ku sedema taloqkirinê êrîşên dewleta Tirkiyeyê ye û wiha dom kiriye, "Deriyê mîhrîcanê dê li ber hemû kesên li Sûriyeyê û derveyî wê vekirî be. Di mîhrîcanê de dê pirrengiyeke fikrî û çandî hebe."
çolî diyar kiriye ku cara yekê dê ji derveyî Sûriyeyê beşdar hebin.
Li gor agahiyên komîteya amadekar şertên beşdariya mîhrîcanê bi vî rengî ne:
- Divê temenê beşdaran ne kêmî 18 saliyê be. Herî kêm 2 tablo tên qebûlkirin. 
- Berhemên bi zimanên kurdî, erebî û suryanî tên qebûlkirin.
- Berhemên berê hatibin weşandin nayên qebûlkirin.

Firyal Çolî der barê taloqkirina mîhrîcanê û sedemên wê de agahî dan.