Diyarname
Piştî gotin beşeke mezin a pirtûkxaneya nivîskarê amerîkî Larry McMurtry ketiye mezatê kirînerên pirtûkan bi kamyonan berê xwe dan bajêr; gelek hezkiriyên wî jî berê xwe dan mezata ku dê du rojan bidome.

Nivîskar Larry McMurtry di şîrketa xwe "Booked Up" de bi salan pirtûkên hindik tênê dîtin jî di nav de gelek pirtûk dan ser hev û di encamê de hejmara wan gihîşt sed hezaran.

Nivîskar di navçeyeke biçûk ku serjimariya wê hezar û 800 kes e de ji bo van pirtûkan çar mal veqetand û ew xistin wir. Niha ji ber dê ev pirtûk ji bo mîratxurên wî bibin bar dest bi firotina ji wan 300 hezar hebî kirin.

Nivîskarê 76 salî senaryoya fîlmên navdar ên Hollywoodê yên bi navê "Terms of Endearment", "The Last Picture Show" û "Brokeback Mountain" nivîsandibû.

Nivîskar Larry McMurtry di 3'yê pûşpera 1936'an de li Teksasa DYA'yê hatiye dinê. Wî di sala 2006'an de bi senaryoya "Brokeback Mountain (Çiyayê Brokeback)" xelata Oscarê girtibû. Her wiha ew di heman demê de xwediyê Xelata Politzerê ye.

Pirtûkên wî yên ku niha ketine mezatê, ji 850 dolar heta 2 hezar û 750 dolarî bi buhaya destpêkê têne firotin.
Hate dîtin hin kirîner bi kamyonan hatine navçeyê ku pirtûkan bikirin.

Dîmenek ji pirtûkxaneya Larry McMurtry