Diyarname
Du rojnamegerên kurd roja 19'ê mehê li Rojava di dema şopandiya nûçeyan de bi SIHA'yan ji aliyê Tirkiyeyê ve hatin kuştin. Ji wê rojê heta niha hin agahî:
- Li gelek bajaran rojnamegeran li meydanan kuştina her du rojnamegeran şermezar kirin; li hin cihan polîsan êrîş kir û ew girtin bin çavan.
- Ji bo Daştan li Şînxaneya li navçeya Giyadîna Agirî şîn hat danîn. Gelek kes çûn şînxaneyê. Rêxistina DEM Partî ya Agirî, Îdîr û Qersê jî çû şînxaneyê.
DIYA DAŞTAN: HÛN HEMÛ NAZIM IN
- Endamên DFG (Komeleya Rojnamegerên Dîcle Firatê) û endamên MKG'ê (Rojnamegerên Jin ên Komeleya Mezoqotamyayê) çûn serdana malbata Giyadînê serdana malbata Daştan. Nûnerê DFG'ê yê Wanê Adnan Bilen li vir got ku ronahiya wan pêxistiye dê netemire.
Diya Zozan Daştan ku serdana wan qebûl kir, got, "Hûn her yek, hemû Nazim in. Ez bi zarokê xwe serbsilind im. Tekane xemgîniya min armanca Nazim nîvco ma. Tu şika min nîn e, armanca wî, hûnê bînin cih."
LÊPIRSÎNA DERBARÊ BAROYÊ DE
- Baroya Stenbolê li ser kuştina her du rojnamegeran daxuyanî dabû, Serdozgeriya Komarê ya Stenbolê der barê Serokê Baroya Stenbolê Îbrahîm Kaboglu û rêveberiya baroyê de lêpirsîn da dest pê kirin. Dozgerî bi îdîaya "Propagandaya rêxistinê kiriye", "agahiyên şaş ku dane gel" lêpirsîn da destpêkirin.
- Der barê malpera T24 ku bi sernavê "Rojnameger Nazim Daştan û Cihan Bilgin li Sûriyeyê hatin kuştin" nûçeyeke amade kiribû lêpirsîn hat destpêkirin. Li aliyê din Gerînendeya Weşanê ya Gerçek Gundemê rojnameger Seyhan Avşar jî li ser hesabê xwe peyamek ji bo her du rojnamegeran belav kiribû, dozger der barê wê de jî lêpirsîn da destpêkirin.
DEM PARTÎ DAXUYANÎ DA
- Li ser lêpirsînên ku der barê kes û saziyan de hatine dest pêkirin DEM Partî daxuyaniya nivîsKî belav kir û got, "Desthilatdarî ji bo sûcê xwe veşêre rojnamegeran dike hedef."
Di daxuyaniyê de hat xwestin ku li hemberî neqeqî û bêhiqûqî civak û muxalefet hê zêde deng derxin.