Diyarname
Hevşaredarê Culemêrgê ku ji kar hatibû girtin cezayê wî hat erêkirin. Hevşaredarê Dêrsimê jî îro bi 6 sal û 3 mehan hat cezakirin.

CEZAYÊ AKIŞ ERÊ KIRIN
Hevşaredarê Culemêrgê Mehmet Siddik Akiş 3'ê pûşpera 2024'an de ji aliyê Wezareta Karên Hundir a Tikiyeyê ve ji kar hatibû girtin û kayûm şandibûn cihê wî. Akiş ku wê çaxê hatibû binçavkirin û hatibû girtin, doza wî dom dikir. Îro 1'emîn Dadgeha Cezayê Giran a Culemêrgê bi îdîaya "Ligel endamtiya rêxistinê, li ser navê rêxistinê sûckirin", "Beşdariya civîn û meşan" 9 sal cezayê hepsê lê birî.
Akişê ku bi SEGBÎS'ê beşdarî dadgehê bû, got, "Hemû meş û civînên min organîzasyonên partiya min a siyasî bûn. Ev doza li min hatiye vekirin dozeke siyasî ye. Min gotibû tirk, kurd her kes di tecrîdê de ne. Birêz Devlet Bahçeli jî got 'Bila tecrît rabe', hûn çima Bahçeli jî nadarizînin? Ev yek cotstandardî ye."

6 SAL Û 3 MEH CEZA DAN HEVŞAREDARÊ DÊRSIMÊ
Li aliyê din danişîna doza Hevşaredarê Dêrsimê Cevdet Konak jî îro li Dadgeha Cezayê Giran a Dêrsimê bû. Şaredarên bajêr û gelek nûnerên partiyên siyayî li danişînê amade bûn. Bi îdîaya "endamdiya rêxistinê" 6 sal û 3 meh cezayê hepsê li Konak birîn.