Diyarname
Kesek bi navê R.O û jina wî bi navê U.O. li Belçîkayê dijîn. Wan ji sala 2014'an ve heta niha zêrên ji bo xwe dabûn hev di bankeyeke dewleta Tirkiyeyê de xistin kaseya bi ewle. Bazinên 22 eyar, zêrên Cumhuriyetê jî têde bi giştî dor 8 kîlo zêr xistibûn kaseya bankeyê.
R.O. 11'ê vê mehê hat navçeya Bolvadînê ya bajarê Afyonkarahîsara Tirkiyeyê û çû bankeyê. R.O. ji bo deynin xwe bide çû bankeyê ku hinek zêrên xwe bîne û hûr bike. Lê R.O.'yê ku daket qata kaseyê, dît ku zêrên wî ne li cihê xwe ne; Kasa vala ye.
R.O. çû cem parêzer û ligel parêzer li cem dozgerî gilî kir. Hat dîtin ku şopa tiliya gelek kesan li ser kaseyê heye. Lêkolînê dest pê kiriye.
Parêzer Samet Ozaydin ji bo ÎHA'yê gotiye, li hemberî bûyereke bi vî rengî ku li bankeya dewletê çêbûye, em şaşwaz bûn û got, "Ev der bankeya dewletê ye û mirov bi vê bankeyê bawer in û çi di destê wan de hebe li vir vedişêrin. Lê encam ger ev be li vir ewlehî problema sereke ye. Bi ser de jî bankeya dewletê."