Diyarname

Piştî hilbijartina Kerkûkê îro encumena parêzgeha Kerkûkê divê li hev civiya, lê îro jî civîn li dar neket.

Li gor Rojnewsê waliyê bi wekalet ê Kerkûkê ji bo hemû endamên nû yên encumena parêzgeha Kerkûkê nivîsek fermî ragihandibû ku dê sibê kom bibin, lê îro bi nivîsek din a fermî civîn ji bo heftiya bê hate taloqkirin.

Waliyê bi wekalet ê Kerkûkê Rakan Cibûrî civîn taloq kir. Ger carek din neyê betalkirin civîn wê roja 5'ê reşemiyê li dar bikeve.

Hemû encumenên parêzgehê sond xwaribun. Lê Rakan Cibûrî di merasima sondxwarinê de amade nebû. Ji ber ku ger Cibûrî jî sond bixwanda dê postê xwe ji dest bida.

Li gorî rêziknameya encûmena parêzgehan, di civîna yekem ya encumenê de endamê herî bi temen serokatiya civînê dike. Endamê encûmena parêzgeha Kerkûkê yê/ya herî temen mezin Rakan Cibûrî ye. Lê ji ber nabe postê waliyê bi wekalet ji dest bide, beşdarî civînê nabe. Endama duyem ya herî temen mezin, ji lîsteya YNK’ê Perwîn Salihe.

Di hilbijartina ku roja 18'ê berfanbara 2023'yan li dar ket de kurdan 7 kursî bi dest xistin. YNK'ê 5, PDK'ê 2 kurdî. Li Kerkûkê bi giştî 15 kursî hene û kursiyên din partiyên din bi dest xistin.
Kurdan di vê hilbijartinê de li hev nekir, bi lîsteyên cuda ketin hilbijartinê.