Kobanî
Desteya Çandî ya Kantona Firatê bi hevkariya Tevgera Mezopotamya ya Çand û Hunerê Festîvala Şanoyê ya Arîn Bisk û Zulfên Aştiyê li dar xist. Ev 3'yemîn festival e û 5'ê mehê li Navenda Çand û Hunerê ya Baqî Xido ya li Kobanî dest pê kir. 
Bi sedan şênî û diya Arîn Mîrkan tevlî merasîma destpêkirina festîvalê bûn. Festîval îsal bi durşma "Şano nasnameya hişmendiya civakî ye" li dar dikeve. Ji bo destpêkirina festîvalê şanoyeke kurt bi navê "Bozan û keça bedew" hate lîstin.
Cîgira Hevserokatiya Meclisa Rêveber a Kantona Firatê Mizgîn Xelîl axivî ji bo salvegera wê Arîn Mîrkan bibîr anî. Mizgîn li ser festîvalê jî got: "Şano û çalakiyên hunerî, ji bo ragihandina çandên civakî bi rêbazeke azad û demokratîk û derbirîna dozên gelan, wesîle ye."
Piştî axaftinan koma şanoyê ya ji Reqayê şanoyeke bi navê "Komediya 7 Rojan" peşkeş kir.
Festival dê heta 12`ê mehê bidome. Komên hunerî yên ji Heleb, Şehba, Reqa, Minbic, Tebqa û Kobanî dê berhemên xwe pêşkêş bikin.