Qamişlo

Yekîtiyên Şaredariyên Kantona Cizîrê ji bo bîranîna şehîdên Sînemaya Amûdê dest bi çêkirina saloneke sînemayekê kir.
13`ê sermaweza/mijdara 1960`î, Sînemaya Amûdê hate şewitandin û di encamê de 200 zarok ku temenê wan di bin 12'yan re bûn hatin kuştin. Ew bûyer, wekî Komkujiya Sînemaya Amûdê kete nava dîrokê. Li gorî delîlan saziyên ewlehiyê yên hikumeta Şamê berpirsê wê şewatê ne. Niha ji bo bîranîna vê yekê Rêveberiya Xweseriya Demokratîk a Kantona Cizîrê, Şardariya Gel a Amûdê saloneke sînemayekê li Amûdê çêdike.
Sînema li başûrê bajarê Amûdê tê cêkirin û meriniya wê dor hezar û 163 metreqorzî ye.
Li gor agahiyên şaredariyê lêçûna wê 346 hezar û 326 dolar e. Berpirsên şaredariyê dan zanîn ku çêkirina salona sînema dê di 6 mehan de bi dawî bibe.
Li Bakur û Rojhilatê Sûriyeyê ji destpêka avakirina Rêveberiya Xweser ve yekem car e saloneke sînemayê tê çêkirin.