Parêzvanên mafên mirovan ji bo bi sernavê 'Deynên dinyayê ji bo gelê kurd hene' kapmanyayeke dan dest pêkirin.
Parêzvanên Mafên Mirovan Eren Keskin, Veysi Altay, Leman Yurtsever, Dogan Genç û Hurriyet Şener bi sernavê "Deynên dinyayê ji bo gelê kurd hene" kampanyayeke îmzeyan dan dest pê kirin. Di 16'ê adarê roja komkujiya Helebçe de, saet 13.00'an de îmzeyên ku hatine berhevkirin li ber deriyê Galatasaraya Stenbolê bêne eşkerekirin.
Kesên ku bixwazin îmzeya xwe bavêjin bin vê metnê divê bi mailên cimanaye@hotmail.com an jî
veysialt@gmail.com re têkiliyê deynin.
Di metna ku ji bo îmzeyan hatiye vekirin de wisa tê gotin: "Kurd di 'sînorên dewletên' ku têde dijîn de ji roja roj de tên çewsandin, hatine asîmîlekirin, hatin qetilkirin, gundên wan hatine xirakirin û şewitandin, ew hatin sirgûnkirin. Vaye îro 16'ê adarê ye. Salvegera komkujiya Helebçeyê ku wijdanan diêşîne. Kurd nikarin li hemberî bombe û komkujiyan bêdeng bimînin! Li Tirkiye, Îran, Iraq û Sûriyeyê, digel polîtîkayên qetilkirin, tunehesibandina kurdan dinyayê piştgirî daye van welatan. Niha li hemberî desthilatdarên dinyayê EM bang dikin. ME JI BÎR NEKİR! EMÊ NEDIN JIBÎRKIRIN! DEYNÊN DINYAYÊ JI BO KURDAN HENE!"
Heta niha bi ser 100'î re kesî şanenava xwe avêtiye bin vê nameyê. Heta roja daxuyanî bê dayîn name ji bo îmzeyan vekiriye.
Foto: Ramazan Ozturk
