Diyarname
Mebûsê AKP'ê Adil Karaismailoglu li Meclisa Tirkiyeyê bi kulmê êrîşê mebûsê DEM Partî Ali Bozan kir.
Îyî Partî li ser bacê pêşniyarname dabû Meclisê, îro li ser vê yekê axaftin û nîqaş dihatin kirin. Mebûsê DEM Partî ê Mersînê Ali Bozan dema li ber kursiya meclisê diaxivî rastî êrîşê hat.
Bozan qala bêisûliyên AKP'ê kir, bal kişand ser karên qirêj û got, "Meseleya me bac e. Baca ne ji bo feqîran, bi bacê pereyên we ji bêrîka feqîran, kedkaran dizine. Em bibêjin hûn karkerek, kedkarek in. Hûn diçin bankeyê, hûn meaşê xwe ji wir digirin. Wê kêliyê yek ji paş ve tê meaşê we didize. Beşek mezin jê kişand. Tşitek wisa çêbe hûn dê çi bikin? Pêşî hûnê biqîrin, diz heye, diz heye. Hûnê doz li wî dizî vekin. Ev tiştê ez qal dikim TUÎK her meh bi saya AKP'ê dike. Ez dixwazik li ser navê karkeran, kedkaran bejim diz heye. AKP dizî dike." 
Vê kêliyê ji maseyên AKP'ê bi gotinên weki "Bêterbiye" bi ser Bozan de qîriyan. Bozan jî bi gotina "Bêterbiye jî, bê ehlaq jî hûn in" bersiv da. AKP'yî bi ser Bozan ê li ber kursiyê diaxivî de çûn. Dema Bozan gotina xwe didomand, AKP'yiyan kursî dagir kir, di vê kêliyê de Wezîrê Ragihandinê ê berê û mebûsê AKP'ê yê Trabzonê Adil Karaismailoglu bi kulm li Bozan da. 
Navber dan hevdîtinên li Meclisê.