Diyarname
Bi navê "5'emîn Sempozyûma Navneteweyî ya Kurdiyatê Mela Mehmûdê Bazîdî & Aleksandre Auguste Jaba û Mîrasa Wan" li Wanê dest pê kir û 31'ê mehê de bi dawî bibe.
Sempozyûm bi diruşma "Kaşifên Xezîneyên Kurdî Bazîdî û Jaba" 30'ê mehê li Wanê dest pê kir. Sempozyûm serê sibê li Navenda Çandê ya Prof. Dr Cengiz Andaç dest pê kir. Beşa Zimanên Dijin a Zanîngeha Yuzuncu Yil a Wanê vê sempozyûmê li dar dixe. Lêkolîner û nivîskar Ziya Avci wekî mêvanê rûmetê hatiye diyarkirin. Axaftina destpêkê ji aliyê Prof. Dr. Abdurrahman Adak ve hat kirin. 
Ji zanîngehên ji Almanya, Rusya, Hollanda, Gurcistan, Îran, dîsa ji zanîngehên Amed, Mûş, Culemêrg, Şirnak, Çewlig, Agirî jî têde ji gelek cihan beşdar li sempozyûmê amade ne.
Mihicel Leezenberg, M. Zahir Ertekin, Perwiz Cihanî, Mazhar Bagli, Necat Keskin, Mikail Bilbil, Serdar Şengul, Tehsin İbrahim Doskî, Kenan Subaşi, Umran Altinkiliç, Remezan Alan, Nihat Gultekîn jî di nav de bi giştî 37 akademîsyen gotarên xwe pêşkêş dikin.
Mela Mehmûdê Bazîdî kî ye?
Mela Mehmûdê Bazîdî li Bazîda Agirî hatiye dinê. Di navbera salên 1797-1863 jiya ye. Li Bazînê medrese xwendiye, düre li Tebrîzê dom kiriye. Bi salan alimî kiriye. Demek li Erzeromê bi cih bûye. Li vir karê wergêriya erebî, farisî û osmanî kiriye. Wî û Aleksandre Jaba xebat kiriye, loma navê herduyan bi hev re tê bilêvkirin.
Aleksandre August Jaba kî ye?
Aleksandre August Jaba bi eslê xwe polonî ye. Di navbera salên 1801-1894'an de jiya ye. Li bajarê Livensky ya Polonyayê zanîngeh xwendiye. Dewleta Polonyayê ew li Zanîngeha Petersburgê peywirdar kiriye. Wî dema li Konsolosxaneya Erzeromê ya Rusyayê kar kiriye, ligel Mela Mehmûdê bazîdî xebitiye. Wan bi hev re gelek berhemên kurdî dane hev.