'Ciwanan' zora 'extiyaran' bir

Diyarname
Maçên îro hatin lîstin. Di maça yekem a îro de Swîsreyê Macaristan bi 3-1 têk bir. Spanyayê tîma Hirvatistanê bi 3-0 têk bir û Îtalyayê jî Albenia bi 2-1 têk bir.

Swîsriyan zora macariyan bir
Di maça yekem a îro de Swîsre û Macaristan li Kolna Almanyayê hatin hemberî hev. Swîsreyê bi 3-1 Macaristan têk bir û 3 pûanên xwe girtin.
Macaristana ku di maçên hevtêkbikrinê de qet têk neçûbû û wekî yekemînê komê hatibû tûrnûvayê, li hemberî Swîsreya ku di maçên hevtêkbirinê de rastî rexneyan hatibû nekarî maçek serketî derxe holê.
Swîsre deqîqeya 12'yan de bi gola Duah derket pêş. Deqîqeya 45'an de Aebischer encam bir 2-0'ê. Di deqîqeya 66'an de Macaristanê bi Varga bersiv da lê gotina dawî Ebolo got: 3-1.

'Ciwanan' zora 'extiyaran' bir
Maça diduyan a rojê di navbera tîma Spanya û Danîmarkayê de bû. Li aliyek li Spanyayê "ciwanên" wekî Lamine Yamal ku 16 salî ye hebûn, li aliyê din li Danîmarkayê "extiyarên" wekî Luka Modirc ku 38 salî ye hebûn. Yamalê di vî temenî de forma li xwe kir bû lîstikvanê herî ciwan ku beşdarî vê tûrnûvayê dibe.
Spanyayê bi 3-0 reqîbê xwe têk bir û 3 pûanên pêşî ji bo xwe nivîsandin. Alvaro Morata, Fabian Ruiz û Dani Carvajal golên Spanyayê avêtin.
Li aliyê din ji bo Modric girîngiya vê tûrnûvaye e e ku bû 5 tûrnûva beşdar dibe. Modric di EURO 2008, 2012, 2016, 2020 û 2024'an de cih girt û bû yekemin hirvatê ku di 5 tûrnûvayan de cih girtiye.

Vîdeo, YAMAL

Gola lezgîn jî têre nekir
Maça Îtalya û Albeniayê bi golê dest pê kir. Hê di saniyeya 23'yan de lîstikvanê Albenîayê Nedim Bajrami fêde j xetaya parastina Îtalyayê girt û got avêt. Ev gol di dîroka turnuvaya EURO de bû gola herî bilez hatiye avêtin. Lê vê golê têra Albeniayê nekir. Îtalyanan di deqîqeya 11'an de bi Bastoni, di deqîqeya 18'an de bi Barella bersiv da. Fransayê bi 2-1 maç bi dest xist.