Diyarname
Tûrnûwaya Kûpaya Cîhanî ay 2022’yinan emsar Katar de virazêna. Enka pişke hamî antişî, komê tûrnûva û tarîxey kaykerdişê maçan eşkera bî.
29 WELATÎ EŞKERA BÎ, 3 ZÎ BENÊ
Tîmê ke şinê Kûpaya Cîhanî heta enka 29 tîmî eşkera biyê la 3 tîmî hema eşkera nhebî. Ê go maçanê play-offî de eşkera bibê. Ewropa de, Skoçya û Ûkrayna go kay bikerê, kamco tîm bi ser biko go Galler dir kay bikero û ji ene maçe tîmekê go şoro tûrnûva. Heto bîn ro qeybî di bilêtanê bînan zî Peru, Kosta Rîka, Zelandaya Newî, Emîrî Yewbîyî ay Ereban û Avustralya go kay bikerê û înan ra di tîmê go şora Katar.
29 welatê bilêtê Katarî kerdo bêrikey xwu eniyê: Katar, Belçîka, Fransa, Îngilistan, Spanya, Polonya, Portekîz, Hollanda, Danîmarka, Almanya, Brezîlya, Arjantîn, Meksîka, Ûrûgûay, Swîsre, DYA, Hirvatistan, Senegal, Japonya, Fas, Sirbistan, Gana, Koreya Başûr, Tunus, Kamerun, Kanada, Ekvador, Erebistana Siûdî, Îran.
KOMÊ TÛRNÛVA ENIYÊ
Koma A: Katar, Ekvador, Senegal, Hollanda
Koma B: DYA, Îngilistan, İran, (Skoçya-Ûkrayna / Galler)
Koma C: Polonya, Arjantîn, Erebistana Siûdî, Meksika
Koma D: Fransa, Danîmarka, Tunus, (Peru / Avustralya - BAE)
Koma E: Almanya. Spanya, Japonya, (Kosta Rîka / Zelandaya Newî)
Koma F: Belçîka, Kanada, Fas, Hirvatistan
Koma G: Brezîlya, Sirbistan, Swîsre, Kamerûn
Koma H: Portekîz, Koreya Başûr, Gana, Ûrûgûay
TARÎXÊ KÛPAYA CÎHANÎ 2022
Tûrnûvaya kûpa go rocê 21.11.2022 de dest pa bikero û maçey fînalî zî go rocê 18.12.2022’yinan de kay bikero û tûrnûva temam bibo.
STADÊ TÛRNÛVA
Kadar de go di 8 stadê 5 bajaran de maçî bêrê kaykerdişî. Ê bajar, stad û kapasîtey înan eno awa wa:
- Stadê Lusail: 80.000 (Lusail)
- Stadê Al Bayt: 60.000 (Al Khor)
- Stadê 974: 40.000 (Doha)
- Stadê Al Thumam: 40.000 (Doha)
- Stadê Bajarê Perwerdehî: 45.350 (Al Rayyan)
- Stadê Ahmad bin Ali: 44.740 (Al Rayyan)
- Stadê Xelîfe: 40.000 (Al Wakrah)
- Stadê Al Janoub: 40.000 (Al Wakrah)