ŞERÊ ÎRAN-ÎSRAÎLÊ...

Saet 00.30 / Agahiyên nû
- Serokdewletê DYA'yê ragihandiye ku dê ligel rêveberî bicive
- Husiyên li Yemenê dest bi firandina roketan bi ser Îsraîlê de kirine.

- Wezareta Şer a Îsraîlê li hev civiya. Wezaneta li ser bersiva ÎRanê bide yan na, bide jî çawa bideyê nîqaş dike.

- Fransayê êrîşa Îranê ya li hemberî Îsraîlê şermezar kir.

***

13.04.2024 

Êvara 13'ê mehê, ber bi destpêka şevê ve, di navbera Îran û Îsraîlê de şerî dest pê. Gelek welat ketin nava tevgerê. Va ne agahî:

ÎRAN'Ê ÊRÎŞ KIR

- Vê êvarê Mihafizên Şoreşê yên Îranê ragihandin ku wan bi fuze û Balafirên Bêmirov (BM) êRîşê Îsraîlê kirine. Di daxuyaniyê de hatiye gotin ku piştî êrîşa li ser balyozxaneya Şamê ya Îranê, piştî şehîdkirina şêwirmendên leşkerî û serleşkerên Îranê yên li Sûriyeyê me êrîşê rejima Siyonîst kir. Me bi dehan BM'yê û fuzeyan êrîş kir.
Li aliyê din Wezareta Parastinê ya Îranê ji bo  ÎRNA'yê (Ajansa Nûçeyan a Îranê) axiviye û gotiye, "Kîjan welat ji bo êrîşa li hemberî Îranê axa xwe, yan jî qada hewayî bo Îsraîlê veke emê bi biryara bersiva wan jî bidin."

HAARETZ: ÎRANÊ FUZEYÊN BALÎSTÎK BIKAR ANÎN

Rojnameya Haaretz ku li ÎSraîlê weşanê dike got ku Îranê fuzeyên balîstîk bikar anîne.

URDUN: EMÊ LI BM'YAN BIDIN

Reutersê got ku hêzên ewlehiyê yên Urdunê gotiye ku BM'yên Îranê qada hewayî ya Urdunê îhlal bikin emê li wan bixin.

Li aliyê din Urdunê ragihand ku wan pergala xwe ya hewayî amade kiriye. Urdunê li hemû welat rewşa awarte ragihand.

DAXUYANIYA KOŞKA SPÎ

Ji Koşka Spî ya DYA'yê daxuyanî hat dayîn û hat gotin ku ew dê Îsraîlê biparêzin.

Li aliyê din Îsraîlê qada xwe ya hewayî ji bo hemû firînan girt.

MISIR'Ê DAXUYANÎ DA

Misirê jî ragihand ku wan pergala xwe ya hewayî aniye asta amadebûnê.