Diyarname

Kompaniya ewlehiya sîber "Surfshark" lêkolînek çêkiriye. Li gor vê lêkolînê Tirkiyeyê ji motora lêgerînê Googleyê xwestiye 90 hezar û 400 agahî bêne betalkirin.

Surfsharkê li ser 150 welatan lêkolîn kiriye. Lêkolîn li ser salên 2013-2022'yan hatiye kirin. Di vê lêkolînê de Tirkiye bûye 4'emîn welat ku herî zêde ji Google xwestiye agahiyan betal bike, yanê ji motora lêgerînê rabike.

Va ne hin îstatîstîkên ji lêkolînê:

- 150 welatan bi temamî 350 hezar car ji bo betalkirina agahiyan serî li Googleyê daye.

- Di rêza yekemîn de Rusya heye ku 215 hezar car, Koreya Başûr 27 hezar car, Hindistan 20 hezar car, Tirkiyeyê 18 hezar û 900 hear û Brezîlyayê jî 12 hezar car serî li kompaniyê daye.

- Tirkiyeyê di 18 hezar û 900 serîlêdanên xwe de bi temamî xwestiye 90 hezar û 400 agahî bêne betalkirin.

- Di nav daxwazên Tirkiyeyê de sedî 40.1 bi îdîaya "heqareta li saziyên dewleta Tirkiyeyê", sedî bi îdîaya "agahiyên veşarî û ewlehiyê" û sedî 13.7 jî bi sedema "mustehcen-tazîbûn"ê xwestiye agahiyên di motora lêgerînê de bêne betalkirin.

- Di nav van de herî zêde xwestiye agahiyên Youtube bêne rakirin ku ev 7 hezar û 700 heb in.

- Tirkiyeyê piranî bi biryarên dadgehê û bi biryarên "Saziya Ragihandin û Teknolojiya Agahiyan" ku girêdayî Serokomariyê ye xwestiye agahî bêne rakirin.