Diyarname
Bi beşdariya gelek zanyarên li zanîngehên cuda cuda gotûbêjeke online li dar ket. Di gotûbêja bi navê “Diyaloga Zanyarên Cîhanî bi Zanîngeha Rojava re” de zanyaran li ser perwerdehiya li Rojava dîtinên xwe anîn ziman.
JI ZANÎNGEHAN YÊN BEŞDAR BÛN
Li gor nûçeya ANHA'yê endamê Meclisa Nûneran a Fîlîpînê û Profesorê Civaknasiyê yê Zanîngeha Binghamton Prof. Walden Bello, Profesorê Antropolojiyê yê Kolombî-Amerîkî yê Zanîngeha Karolinaya Bakur Prof. Arturo Escobar, Profesorê Antropolojî û Erdnîgariyê yê Zanîngeha Bajarê New Yorkê Prof. David Harvey, Hîndekara Zanîngeha Cork a Îrlandayê Dr. Theresa O'Keefe beşdarî gotûbêjê bûn.
JI ROJAVA KESÊN BEŞDAR
Ji Rojava jî li ser navê Zanîngeha Rojava Rêveberê Beşa Têkiliyan a Zanîngeha Rojava Dr. Mistefa Alamholo, Mamoste Rohan Mistefa, Hevserokê Enstîtuya Zanistên Civakî û Mirovî ya Zanîngeha Rojava Dr. Serdar Saadi, Hevseroka Fakulteya Zanistên Civakî ya Zanîngeha Rojava Sorgul Ebdulselam û Mamosteya Beşa Jineolojiyê Zozan Sîma beşdar bûn.
SÎSTEMA PERWERDEHIYÊ HAT NÎQAŞKIRIN
Di gotûbêjê de li ser sîstema perwerdeyê ya li Bakur û Rojhilatê Suriyeyê, asta pêşketina ramyariyê, têkoşîna ji bo pêkanîna demokrasî, wekheviya zayendî, tevlîbûn û jiyana hevpar a li hemberî kêşeyên derve, êrîşên Tirkiyeyê yên li ser herêmê, wate û girîngiya Jineolojî nirxandin hatin kirin. Her wiha pirsên li ser van mijaran hatin bersivandin.