Diyarname

PENA'a Kurd, Komeleya Wêjekarên Kurd, Komeleya Nivîskarên Mezopotamyayê, MED-DER û Komeleya Ziman û Çanda Kurd a Birca Belek bi hev re ji bo 21'ê Reşemî Roja Zimanê Kurdî daxuyanî dan çapemeniyê. Daxuyanî bi du zaravayan, bi kirmanckî û kurmancî hate xwendin. Roza Metîna daxuyaniya bi kirmanckî, Bahattin Robar jî ya bi kurmancî xwend.

Di daxuyaniyê de hat gotin ku heta niha tu zirara ziman ji bo mirovahiyê çênebûye û hat gotin ku ziman ew tişt e ku mirov jêre xizmetê bike ne ku neyartiyê bike.

Hat diyarkirin ku hebûn û zindîbûna zimanekî dê bê dîtin ku çiqas fêdeyê dide ziman û çandên din heye û wiha hat gotin; "Berevajî vê niha  feraseta ji bilî tirkî hemû ziman ji bo pêşeroja me xetere hê jî didome. Zimanên bi mîlyonan hemwelatiyên xwe wekî zimanên nayê zanîn bi nav  dikin."

Her wiha hat got gotin ku zimanê dayikê wekî şîrê dayikê helal e, nasname ye û di heman demê de hebûn e û ev bang hate kirin; "Êrîşa li hemberî zimanê zikmakî êrîşa li hemberî wekheviyê ye. Divê dayik û bavên kurd berê zarokên xwe bidin qurs û çalakiyên kurdî. Ne tenê li mal li her derê divê em zimanê xwe bikar bînin."

Saziyan bi daxuyaniyê Roja Zimanê Zikmakî pîroz kir û piştî xwendina daxuyaniyê ji bo qertan ji nivîskarên girtî re bişînin çûn PTT'yê.

***

Nûçeyên Eleqedar:

- Sedî 33,4: Divê mafê Perwerdehiya Ziman bê dayin û bê parastin

- Hedefa Komîsyona 21’ê Reşemiyê mîlyonek îmze ye

-