Diyarname

Nivîskar Îhsan Bîrgul kurtedemek berê pirtûka xwe ya çîrokan bi navê "Sofî û Monîka" derxist. Pirtûk ji Weşanxaneya Na derket. Ji bo danasîna pirtûkê çalakiya gotibêjek û îmzekirina pirtûkan li dar ket.

Gotûbêj êvara 21'ê mehê li Salona Weqfa Îsmaîl Beşîkçî ya li Stenbolê li dar ket. Gotûbêja ku edîtorê Diyarnameyê Cemil Oguz moderatoriya wê kir de Bîrgul li ser çîroka xwe ya nivîsê sekinî.

Bîrgul got ku wî di sala 2005'an de dest bi hînbûna xwendin û nivîsandina kurdî kiriye, wê çaxê pirtûkên bi qelîte di destê wan de tune bûne lê niha gelek hene. Bîrgul li ser hezkirina wî ya ji nivîsê jî wisa got, "Ez hê zarok bûm em diçûn dibistanê. Ji wê demê ve navbera min û qaxiz û pênûsê xweş bû. Min li ku derê kaxiz pênûs didît, min hewl dida. Niha jî dema ez ji cihek re derbas dibe, mesela ber sahafek re derbas dibim di cih de dikevin hundir, lê dinêrim, tiştek ne lazim be jî dinêrim."

Bîrgul got ku di nivîsandina çîrokan de ji çavdêriyên xwe sûde digire, demek diyar ku dinivîse tune ye, lê piranî serê sibêyan dinivîse.

Nivîskar Îhsan Birgul diyar kir ku wî di zarokatî de gelek guh dane çîrokan û mewlûdên dihatin xwendin, wê kêliyê bandor lê kirine û ev lê zêde kirin, "Mirov ji nav civakê tiştan digire, wan disêwirîne. Min bi xwe ji biwêj û gotinên pêşiyan gelek sûde girtiye. Bê wan ez nikarim binivîsim."

Piştî gotûbêjê Bîrgul pirtûkên xwe îmze kirin.