Diyarname
Niha du pirtûk li ber destên me ne. Belê bi tirkî ne lê tije henekên rastîn in. Em qala pirtûka "Îçerîden Însan Manzaralari" (Ji hundir dîmenên mirovan) ye. Pirtûk wekî du cild ji aliyê Serdar Koç ve hatiye amade kirin û wekî du cîld ji Weşanên Do derketiye.
Heta niha bi sed hezaran kurd ketine girtîgehê, hin derketine, hin hê girtîne. Hinan bêyî ceza bixwin demek kurt li wir derbas kirine û derketine, hinan hê cezayek dirêjtir xwarine û demek dirêj li girtîgehê mane. Û bêyik piraniya van kesan li girtîgehê rastî bûyerên cur bi cur hatine û hin ji wan jî bûyerên henekî ne. Niha Serdar Koç ji ev henekên, yan jî rewşên komîk ku li girtîgehê derketine kirine pirtûk û pêşkêş kirine.
Di pirtûkê de gelek rewşên komîk hene. Em gotinê dirêj nakin û ji bo hin rewşên komîk gotinê didin pirtûkê (me beşek kurt ji henekan hilbijart):
- Sohbeta li ser bêriyê
Komek girtî li Mêrdinê ketine nava sohbeta bêriyê, yek radibe dibêje "Min gelek bêriya diya xwe kiriye, yek dibê, "Zarokê min ê biçûk heye, hê sê salî ye, min gelek bêrî kiriye" û bi ser de zêde dike; "Yên ku zarokên wan tune bin nikarin vê fêm bikin." û Mustafa ji hundir axîniyek kûr dikişîne, bi dengek dilê mirov dihelîne dibêje, "Wele heval, ez çi derewan bikim, ji zarokan zêdetir min bêriya diya wan kiriye."
- Xewar
Yek ji wan her radizê, lê heval her mudexele dikin. Dîsa carek wisa radizê, yek dixwaze rake, ew wir de çavên xwe nîv vedike û dibêje, "Heval ez yoga dikim. Tu fikirîna min belav dikî."
- Meseleya ziman
Mistefayek ji Bakur, dixwazek bi çend peyvên erebî hin bûye gazî Mistefayê ji Rojava bike. Dibêj "Heval Mistefa camel, camel." Ji Mistefa deng dernayê lê ew "Camel, camel"a xwe didomîne, hevalekî dikeve navberê: "Heval camel tê maneya deve, tu çi dikî/". Ew dibêje: "Wele çi zanim ji pirtûkên dibistanê ew di bîra min de maye."
Gelek caran bi tirkî difikirin lê bi kurdî diaxivin. Yek dîsa wisa difikire dixwaze pesnê hevalê xwe bide lê dibêje, "Heval ez te binepixînim."
Yekî din ku nû hînê kurdî bûye, didin ber pencereyê, dema gardiyan/leşker bên ew bi kurdî deng bike. Di demek wisa de dibê, "Heval, heval dijmin kete me!" Yên guh dikin jixwe bi vê dizanin leşker hatine lêgerînê lê henekê pê dikin "Deng nayê te got çi?" Ew zêdetir diqîre: "Heval dijmin kete me."
- Rojnameya Pispetispê
Ji televîzyonê spîker dibêje li gor çavkaniya rojnameya fisilti (pistepist) û nûçeyê pêşkêş dike. Nejat ji wir diqîre, "Bêşerefno! Alçaxno, dema rojnameyeke me dinivîse hûn di cih de digirin, ger wekhevî heye hûn çima vê rojnameya pistepistê (fisilti) nagirin?"
- Ezê zilam kirê bikim
Husametîn kesekî navsere ye bi endamtiya rêxistinê hatiye girtin. Li girtîgehê jî rexne pir in. Her kes wî rexne dike, dibê, "Ji bo Xwedê qet kesek tune ye aliyek min ê baş nîşan bide, ma qey qet aliyên min ên baş nîn in?" Lê her rexne tê û di dawiyê de biryar dide ku dê ji rexneyan xilas nabe, dibêje, "Li vir ezê nikaribim xwe ji rexneyan bidim alî. Wekî ku qet aliyek min ê baş nîn ebbe. Ez ji vir derkevim derve ezê zilamekî kirê bikim bila pesnê min bide."
- Helîn Avşar
Hîn bûne ku ji Erdexanê berendama DTP'ê xwişka Hulya Avşar e. Velî dil li Helîn Avşar kiribû dibêje, "Ez hêvî dikim berendam Hêlîn be. Heval ê me jî bila wisa berendamên me yên xweşik hebin. Emê gelek dengan bigirin. Emê li Erdexanê teqez qezenc bikin ne? Xweşikî bi xwe re dengan tîne ne?" Piştî ku televîzyon nûçeyê dixwîne û dibêje berendam Yuksel Avşar e Velî xemgîn dibe, hevalên din bi Velî dikenin.