11 hezar kes mirine

Li gor agahiya ku îro hatine belavkirin li Derneyê herî hindik 11 hezar kes mirine. Bi ser 10 hezar kesî de jî winda hene. Tirs ew e ku hejmara miriyan 20 hezarî derbas bike. (ev agahî 14'ê mehê li nûçeyê hatiye zêdekirin)

*** 

6 HEZAR MIRÎ

Li Lîbyayê 10'ê vê mehê lehiyeke mezin rabûbû. Bi ser re nêzî sê rojan derbas bûye, hê nû nû rewş zelal dibe. Li gor agahiyên nû heta niha bi ser 6 hezar kesî re mirov mirine. Û bi hezaran jî winda hene. 

Lehiyê li bajarên Bîngazî, Beyda, Merc, Suse û Derneyê dabûn. Li gor ajansa welat tenê li bajarê Derneyê hejmara miriyan derketiya 6 hezar kesî.

Xaça Sor ragihand ku hejmara windaya gihîştiye 10 hezar kesî. Neteweyên Yekbûyî jî ragihand ku ji bo alîkariyê wan komên xwe yên alîkariyê şandine welat.

Derne li aliyê rojhilatê Lîbyayê ye. Li aliyê bakurê wê Behra Spî û aliyê başûr girên Çiyayê Kesk hene û ji nava bajêr re çemek derbas dibe. Ji ber lehiyê bobelateke mezin çêbû. (Ev nûçe 13'yê mehê hatiye belavkirin)