Diyarname
Di heyecana Kûpaya Konfederasyonê de maça yekemîn a nîva fînalê hat lîstin. Portekîz û Şîlî hatin hemberî hev.
Di 90 deqîqe, paşê di 30 deqîqeyên dirêj de tîman nekarî golê biavêje û encam bi 0-0 bû. Derbasî penaltiyon bû. Pêşî li ser navê Şîlî Vidal penaltî avêt û veguhart golê. Li ser navê Portekîzê lîstikvanê Beşîktaşê Quesma gog danî ser xeta sor lê nekarî golê biavêje. Ji Şîlî Aranguis penaltiya duyem avêt û gol. Lê ji Portekîzê vê carê Motinyo nekarî golê biavêje. Ji Şîlî vê carê Alexis Sanches hat û wî jî gol avêt, bû 3 penaltî û 3 gol. Û ji Portekîzê lîstikvanê Real Madridê Nani gog çikan erdê. Nani gol biavêta heta 5 penaltiyan dê dom bikira, lê neavêta mesele xilas dibû . Û Nani nekarî golê biavêje. Her sê penaltîavêjên Portekîzê jî gog dan destên qeleparêzê portekîzê kaptan Bravo. Bi gotineke din Bravo derî li lîstikvanên Portekîzê girt û tîma xwe Şîlî bir fînalê.
Sibê (29'ê mehê) dê maça din a nîv fînalê di navbera Almanya û Meksîkayê de bê lîstin. Tîma serketî dê di fînalê de bibe reqîbê Şîlî.
4'emîn kes guherî
Di fûtbolê de her tîm dikare 3 lîstikvanan biguherîne. Di vê lîstikê de yekemîn car lîstikvanê 4'emîn hat guherandin. FIFA'yê biryareke nû girtiye ji bo guherandina lîstikvanan ku navê 3+1 lêkirine. Ger maç here dema dirêj, di van 30 deqîqeyên d ema dirêj de tîm dikare lîstikvanê çaremîn jî biguherîne û di vê maçê de yekemîn car Portekîzê ev maf bikar anî.
Serketiyê maçê: Bravo
Qeleparêzê Şîlî Claudio Bravo ku rê neda her 3 penaltiyên Portekîzê û tîma xwe derxist fînalê wekî Lîstikvanê Herî Serketî yê Maçê hat hilbijartin.
**
Nûçeyên eleqedar:
- 4 tîmên nîv fînalîst diyar bûn
- Fînalîstên pêşî diyar bûn: Portekîz û Meksîka
- Surprîz çênebû: Her du maç jî bi 1-1'ê bi dawî bûn
- Portekîz, Meksîka û Rusya bi hêvî ne
- Kûpaya Konfederasyonê bi serketina Rusyayê dest pê kir