Diyarname

Îsal 75'emîn Xelatên Emmy têne belav kirin. Li gor bernameyê divê meha rezberê de xelat bihatana belavkirin lê ji ber greva li Hollywoodê dema belavkirinê hat taloqkirin.

Ev biryara taloqkirinê hatibû eşkere kirin lê nehatibû gotin ka dê kengê xelatan belav bikin. Îro daxuyanî hat. Akademiya Zanist û Hunerê ya Televîzyonê îro eşkere kir ku wan biryar daye roja 15'ê rêbendana 2024'an xelatan belav bikin. Di rewşa asan de divê 18'ê rezbera 2023'yan de bihatana belavkirin. Piştî êrîşa 11'ê Rezbera 2001'ê yekemîn car e merasima xelatdayîna Emmy tê taloqkirin.

Lîstikvan û nivîskarên Hollywoodê ji bo mafên xwe çend meh berê dest bi grevê kiribûn, ev greva wan hê jî didome.

**

Nûçeya Eleqedar:

- Grevê Hollywodî tesîr ro Emmy kerd 

- Li Hollywoodê çalakiya grevê berfirehtir dibe

- Berendamên 75'emîn Emmy amade ne