Diyarname

Bi kirmanckî qeybî qickekan kitabêkey destpêkî hame hedrekerdin û kitab Weşanxaneya Dara ra veciya. Kitab hetê Murat Başaranî ra hamew hedrekerdin.

Miyanê zaravayanê kurdî de zaravaya kirmanckî (zazakî) di talûke de wa. Qeybî merdim vernî talûkey vinibiyayişê kirmanckî bigîro xebatî lazim ê. Ê xebatan ra yew jî kitab ê. Enka kitabêke aneyîn hame hedrekerdin û çapkerdin. Murat Başaranî bi namey "Qandê Qeçekan Kitabê Destpêkî" kitabêke nişt û ew bi enî kitabî wazeno qickekî kirmanckî bimûsê.

Niştoxî bal anto serê raporê UNESCO ke vat bî kirmanckî binê talûkeyê vinîbîyayîşî de ya û ana vato, "Çareyê nê tehlûkeyî zî neslanê neweyan rê, qeçekan rê, ziwanê dayike musnayîş o. Ma zî na xebata xo ya waşt ke hemverê nê tehlûkeyî materyalanê perwerdeyê ziwanî vêşîkerê."

Niştoşî qalê rewşey kirmanckî ke bi kirmancî perwerdehî çiniya kerdo û serê semedê hedrekerdinê kitabî de zî ana vato: "Nê şertan de mi waşt ke ez seba qeçekan (domanan) kitabêk hazir bikera ke no kitab wa perwerdeyê qeçekan rê bibo yew palike."

Kitab dimay henî malûmatanê kilman ê serê ziwanî de, bi alfabeya kurdî dest pa kerdo. Dimara rengî, bedemê ma, çiyê werdiş û şimitişî, kinc û kisvet, şeklê cografî, beşê keyeyî, mobîlya, heywanî, meslekî jî te de serê 23 babetan de virderto û bi ziwanêke sade qeybî qeçekan ê kitab de ca kerdê.

- Qandê Qeçekan Kitabê Destpêkî / Murat Başaran / Weşanên Dara / 104 rîpel / Gulan 2021