Diyarname

Îstatîstîkeke nû hat eşkere kirin: Li Tirkiyeyê sedî 72 kes rojnameyan naxwînin. Lêkolîn ji aliyê ASAL Araştirma ve hatiye kirin. Lêkolîn îstatîstîkên balkêş pêşkêş dike. Va ne çand not ji wê lêkolînê:

- Lêkolîn di navbera 10-21'ê tîrmeha 2023'yan de, li 26 bajaran ligel 2 hezar û 520 kesî hatiye kirin.

- Di nav bajarên ku lê lêkolîn hatine kirni de 7 bajarên kurdan jî hene: Agirî, Mêrdîn, Wan, Erzerok, Meletî, Entab û Riha. Bajarên din ev in: Stenbol, Tekirdag, Balikesir, Îzmîr, Aydin, Manisa, Bursa, Kocaeli, Enqere, Konya, Antalya, Adana, Hatay, Kirikkale, Kayseri, Zonguldak, Kastamonu, Samsun, Trabzon.

- Pirsa "Tu herî zêde kîjan rojnameyê dixwînî?" hatiyekirin, sedî 72'yan gotiye ez rojnameyê naxwînim.

- Ji van sedî 4.12 gotiye ez Hurriyetê dixwînim ku Hurriyet bi vê di rêza yekemîn de cih girtiye. Dûre Sabah  bi sedî 3.21 û Sozcu bi sedî 2.68 hatiye. 

Rêzeya rojnameyan bi vî rengî çêbûye:

Hürriyet: %4.12

Sabah:%3.21

Sözcü:%2.68

Posta:%2.11

Milliyet:%1.48

Türkiye:%1.23

Fanatik:%1.02

Akşam:%0.92

Cumhuriyet:%0.81

Fotomaç:%0.78

Takvim:%0.74

Yeni Şafak:%0.67

Yên din: sedî %4.19

Hemû yek in: %3.95

Balkêş e ji rojnameyên muxalif yek jî neketiye nava vê rêzeyê.

- Li aliyê din Sedî 11.9 jî gotiye ez li televîzyonê temaşe nakim.

Hêjayî gotiye tîraja rojnameyên li Tirkiyeyê di 5-10 salên dawî de gelek daketiye. Hurriyet ku berî 10 salan bi ser 500 hezar hebî re rojane dihat firotin, niha 185 hezar hebî difroşe. Di sala 1993'yan de tîraja rojnameya Sabahê bi kampanyaya promosyonan derketibû mîlyonek û 274 hezar û 367 heban. Lê niha tîraja wê dor 150 hezarî ye.