Diyarname

Safa Onalê ku di jiyana xwe de 395 senaryo nivîsîne di 92 saliya xwe de mir.

Senarîst Safa Onal roja 17'ê berfanbara 1931'ê li Stenbola Tirkiyeyê hatiye dinê. Di sala 1945'an de dest bi nivîsandina kurteçîrokan kiriye.

Di sala 1973'yan de jî dest bi derhêneriya fîlman kiriye. Nêzî 40 fîlm kişandiye. Lê herî zêde bi senaryoyên xwe derketiye pêş. Tam bi temamî 395 senaryo nivîsandiye û bi vê wekî rekor ketiya nava Pirtûkan Rekoran a Guinnesê. Bi senaryoyên xwe Xelata Porteqala Zêrîn, Gûzeka Zêrîn ji di nav de gelek xelat girtine.

'Vesîkali Yarîm', 'Agaçlar Ayakta Olur', 'Ah Guzel Îstanbul', 'Ah Mujgan Ah', 'Dîla Hanim', 'Tatar Ramazan', 'Tatli Nîgar', 'Doktor Cîvanim', 'Menekşe Gozler', 'Umut Dunyasi', 'Cîngoz Recaî' hin fîlmên ku senaryoya wan nivîsandiye. Di 1967’an de 28, 1968’an de 27 û 1969’an de 24 senaryoyên wî ji aliyê derhênerên Yeşîlçamê ve kirine fîlm.

Onal roja 30'ê tîrmeha 2023'yan canê xwe ji dest da.