Diyarname
Xelatên 65'emîn Festîvala Fîlman a Cannesê hatin belavkirin. Di festîvalê de derhênerê avusturyayî Michael Heneke bi fîlmê xwe "Amour" (Evîn) Xelata Palmiyeya Zêrîn girt. Heneke di sala 2009'an de jî bi fîlmê xwe "Duban Blanc"ê heman xelat girtibû. Di beşa kurtefîlman de jî xelata Palmiyeyê dan kurtefîlmê bi navê "Bêdeng" ku li ser Girtîgeha Amedê hatiye kişandin.

Festîvala Fîlman a Cannesê bi merasima xelatdayînê bi dawî bû.

Fîlmê Amour ku xelat girt çîroka evînê ya du extiyar pêşkêş dike. Di fîlm de Jean-Louis Trintignand ê 81 salî û Emmanuelle Riva ya 85 salî dilîze. Derhêner Heneke piştî xelatgirtinê got ku bi xêra bi awayekî serketî ya van lîstikvanan wî xelat girtiye.
Xelata Derhênerê Herî Serketî jî derhênerî meksîkî Carlos Reygadas bi fîlmê xew "Post Tenebras Lux" girt.
Xelata Jurî ya Taybet bi fîlmê "La part des anges" dan derhêner Ken Loch. Loch bi vê bû pênc xelat ku li Cannesê heta niha digire. Piştî xelatgirtinê Loch wisa got: "Ez vê xelatê diyarî wan kesan dikim ku li dijî polîtîkayên aboriyê yên tengkirina mafan derdikevin dikim."

"Bêdeng" jî xelat girt

Di festîvalê de derhêner Rêzan Yeşilbaş jî bi kurtefîlmê xwe "Bêdeng"* xelata Palmiyeya Zêrîn girt. Fîlmê 7 deqîqeyî ku Belçim Bilgin û Cem Bender têde dilîzin, di sala 1984'an de qala çîroka girtiyek û jina wî tê kirin.
Yeşilbaş di axaftina piştî xelatgirtinê de wisag ot: "Ez vê xelatê diyarî hemû jinên welatê min ên bêdeng û bi têne hatine hiştin dikim."

Xelatên din ku hatin belavkirin:
- Senaryoya Herî Serketî: "Au-dela des collines" (Derhêner Cristian Mungiu)
- Xelata Kameraya Zêrîn: Les Betes du Sud sauvage (derHêner Behn Zeitlin)
- Xelata Mezin a Festîvalê: "Reality" (DerHêner Matteo Garrone)
- Xelata Lîstikvanê Herî Serketî: Mads Mikkelsen (Bi rola di fîlmê "La Chasse"de)
- Lîstikvana Herî Serketî: Cosmina Stratan û Cristina Flutur (bi rola di fîlmê "Au-dela des collines" de wan girt)

***

Nûçeya eleqedar:

- "Bêdeng" li Cannesê derket pêşberî juriyê