Diyarname
Emê yek ji Tirkiyeyê û yek jî ji qada navneteweyî bi du mînakan rewşa kovaran raxin ber çavan. Ew jî yek Notos e ku li Tirkiyeyê derdikeve, ya din jî National Geographic e ku li qada navneteweyî tê belavkirin.
NG'Ê NIVÎSKAR JI KAR AVÊTIN
Kovara navneteweyî National Geographic ji sala 1888'an ve weşana xwe didomîne. Niha li seranserê dinyayê 1.7 mîlyon aboneyên wê hene, lê dîsa jî gelek kes ji kar derxistin.
Herî dawî vê hefteyê kesek ku ev 40 sal in li nav kadroyên kovarê ye û 17 kesên di asta edîtor de ji kar derxistin.
Kovarê herî dawî di meha avrêlê de dawî li karê bi hezaran kesî anî bû. Her çiqas hat gotin ku dê kovar mehane bidome jî, ev gav hemû ji bo maliyetê hatine avêtin. Li aliyê din hat îdîa kirin ku sala bê dê kovar êdî çap nebe.
NOTOS KOVARÊ NAŞÎNE HER DERÊ
Li Tirkiyeyê kovara wêjeyî Notos du mehan carek derdikeve. Kovara ku ev 17 sal in (ji bilî kurtedemek pandemiyê) her gav di dema xwe de derketiye, heta niha li temamê Tirkiyeyê dişandin hezar cihên belavkariyê. Lê ji ber rewşa aborî kovarê ragihand ku ew dê êdî neşînin van deran, tenê dê bişînin hin pirtûkfiroşan. Kovarê bi daxuyaniyeke nivîskî bal kişand ser bilindbûna euroyê û buhabûna kaxiz û got, "Sektora weşangerî di nav rojên gelek dijwar de ye."
Notosê ragihandiye ku ew naxwazin dest ji kovarê berdin, loma jî ev yek wekî gavek hatiye avêtin, ji xwendevanan jî xwestiye xwedî li kovarê derên û bibin abone.
Her du mînak rewşa zehmetiya weşangeriya kovaran xweş nîşan didin.