Diyarname
Li Yewnanistanê hilbijartin pêk hat. Du partiyên siyasî PASOK û Partiya Demokrasî ya Nû (PDN) ku ev 38 sal in li desthilatdariyê ne û dengên her du partiyan qet neketibûn bin sedî 77'yî, vê carê bi temamî têk çûn.
Li gor agahiyên ne fermî PASOK ku di hilbijartina 2009'an de sedî 43.5 deng girtibû vê carê encam karî sedî 13,6 dengan bigire.  
PDN ku wê çaxê sedî 33,5 deng irtibû vê carê daket sedî 19,2. Surprîza mezin jî Partiya Şefeqa Zêrîn ku nijadpereste kir. Vê partiyê sedî 7 deng girt û ket meclisê.

Her wiha surprîzeke din jî Syriza kir. Syriza ku koalisyona çep e bi gotinên ji bo reçeteyên IMF û YE'yê (Yekîtiya EWropayê) "Na" derketibû qadan sedî 16.3 deng irt.

Partiya Yewnanên Serbixwe yên Netewerest ku mehek berê hatibû avakirin di navbera sedî 10-12'yan de deng girt û surprîz çêkir.

Partiyên din jî ev deng bi dest xistin:
- Partiya Komunîst: Sedî 8,5
- Partiya Şefeqa Zêrîn: Sedî 7
Partiya Çepgirên Demokrat: Sedî 6
- Neteweperestên Xurt û Partiya Keskan li dor sedî 3 deng girtin.
Li Yewnanistanê bendava hilbijartinê sedî 3 ye. Ger di encamên fermî de dengên van her du partiyan ne bi ser sedî 3 de bin dê ew nikaribin bikevin meclisê.

Li gor pergala hilbijartinê ya Yewnanistanê 300 kes ji bo mebûsî têne hilbijartin û partiya ku yekemîn derê 50 mebûsî wekî prîm bi dest dixe.

Roja sêşema pêşiya me ji bo sazkirina hikumetê dê dest bi xebata koalîsyonê bê kirin û 11 roj dem heye. Ger heta 17'ê gulanê hikumetek ava nebe dê careke din hilbijartin bê lidarxistin.