Diyarname

Rojên Belgefîlman a Stenbolê Documentarist bû 15 sal in li dar dikeve. Îsal di navbera 25-30”yê mehê de bi dehan belgefîlm dê derkevin pêşberî belgefîlmhezan. Her wiha atolye û çalakiyên din jî hene.

Ji bo destpêkirina Documentaristê êvara 24’ê mehê li Cemal Reşit Rey dê merasima destpêkirinê li dar bikeve. Di şevê de belgefîlmê Cem Kaya ê bi navê *Aşk, Mark ve Olum” ku li Berlinaleyê “Xelata Temaşevanan” girtibû bê nîşandayîn. 

CIHÊN ÇALAKIYAN

Documentarist îsal li her du aliyên Stenbolê li dar bikeve û li şeş cihan belgefîlm û çalakî bêne li dar xistin. Belgefîlm li Ewropayê li Navenda Çanda Fransiz, Cine Majestic û Aynalı Geçitê, li aliyê Anadoluiyê jî li Muze Gazhaneya li Kadikoyê dê bêne nîşandayîn. Li aliyê din atolye û çalakiyên din dê li Navenda Çanda Yapi Kredi (Beyoglu) û li Postaneyê  (Galata) li dar bikevin.

MÊVAN ALMANYA YE

Îsal welatê mêvan Almanya ye. Di vê çarçoveyê de hin belgefîlmên ji Almanyayê dê bêne nîşandayîn.

BEŞEKE NÛ: 3x3

Îsal beşeke nû bi navê “3x3” lê zêde kirine ku di vê beşê de 3 belgefîlmkar bi 3 belgefîlmên xwe tê pêşkêşkirin û nasandin.

Belgefîlm di bin beşên “3×3 Magnus Gertten”, “3×3 Monika Treut”, “3×3 Aliona van der Horst”, “Belgefîlmên ji Arşîvê”, “Çîrokên Mezinbûn û DêûBavan”, “Berendamê”, “Berendamên FIPRESCI”, “Jin Hene”, “LGBTİ+ Mafên wan”, “Belgefîlmên Muzîk û Dansê”, “Serhildana Têkçûnê XR” de dê bêne nîşandayîn.

ÇALAKIYÊN DIN

Di çarçoveyê Documentaristê de hin çalakiyên din jî hene. “Atolyeya Anima Doc” li ser çêkerina anîmasyonan e. Yên bixwazin dikarin heta 19’ê mehê serîlêdana xwe bikin. Her wiha çalakiya “Xwegihandina fonên belgefîlman a navneteweyî” jî dê li ser rê û rêbazên vê meseleyê be. Çalakî 25’ê mê ye.