Diyarname
Weşanxaneya Ronahî vê hefteyê du pirtûkên helbestan yên nivîskar Welat Dilken bi hev re weşandin.

Bi navê “29 kul 29 gul” û “Siya Derizî” her du pirtûkên helbestan ên Welat dilken vê hefteyê ji Weşanxaneya Ronahî gihîştîn ber destê helbesthezan.
Welat Dilken li ser du hêmayên bingehîn ava kiriye tevna helbestên xwe: Evîn û Welat. Ev her du hêma di gelek berheman de, di pirtûkên gelek nivîskaran de hêmayên bingehîn in  Welat Dilken jî li ser van helbestên xwe rêz kirine.
Di helbestên Welat de carinan meriv pêrgî hêrseke dagirtî tê, carinan pêrgî hêviyê, carinan jî pêrgî bêariyê tê. Di helbesteke xwe de Dilken wisa rave dike rewşa kurdan: “29 gul vebûne li şûna 29 kulan”

Welat Dilken berê jî du pirtûk weşandibû. Yek jê bi navê "Sî bi rojê xweşik e" (2008) pirtûka helbestan, ya din jî bi navê "Şeva Dawî" (2011) wekî roman nivîsandibû û her du jî ji Weşanên Lîs derketibûn.

Siya Derizî / Welat Dilken / Helbest / 96 rûpel
29 kul 29 gul / Welat Dilken / Helbest / 88 rûpel