Diyarname

Ma Music Akademî ku li Amedê xebatên xwe yên muzîkê didomîne îro "5'emîn Rojên Ma Musicê" da dest pê kirin. Çalakî heta 10'ê mehê dê bidomin.

Rojên Ma Musîcê bi diruşma “Em ê zarokên vî welatî bê muzîk nehêlin” li bexçeyê Ma Music Centerê dest pê kir. Di destpêkirina çalakiyê de malbatên zarokên ku li Ma Musicê dersên muzîkê dibînin û gelek kesên din amade bûn.

Ji perwerdekarên Ma Musicê Hêlîn Kiliçaslan ji bo dêstpêkirina çalakiyê axivî û got, "Ez gelek bi heyecan im. Ev heyecan ne tenê ji bo îro, ji bo her demê ye. Van zarokan ji sifirê dest pê kirin û ji bo heta îro werin gelek ked dan. Em dibêjin ev çalakî bila li vir nemîne û em pêşvetir bibin."

Di çalakiya îro de pêşî şagirtek li piyanoyê da, dûre dor hat kemanê û paşê şagirtan bi tembûrên xwe coş dan şevê. Çalakiya îro bi stranên Koma Sêtêlvanan bi dawî bû.

***

Nûçeya Eleqedar:

- Fermo bernameya 'Rojên Ma Musîcê'