Diyarname
Îsal 125'emîn salvegera derxistina yekemîn rojnameya kurdî rojnameya Kurdistanê ye. Û 22'yê avrêlê ji bo vê yekê wekî Roja Rojnamegeriya Kurdî hatiye qebûlkirin. Di vê rojê de li Bakur, Rojava û Başûr kî çi got? Va ne peyamên ji bo îro hatine belavkirin:
ROJAVA
Li Rojava YRA (Yekîtiya Ragihandina Azad) heye. YRA'yê di daxuyyaniya nivîskî ku weşand d wisa got, "Ev roj li gelê kurd û xebatkarên çapemeniyê, bi taybet li rojnamegerên Bakur û Rojhilatê Sûriyeyê pîroz be. Hêviya me serkeftin û pêşveçûyîna ragihandina azad e, ji bo bikare dengê gelê kurd bighîne hemû cînanê û bibe dengê civakê.”
BAŞÛR
Serokê Herêma Kurdistana Federe Nêçîrvan Barzanî di peyama belav kiriye de roja rojnamegeran pîroz kiriye û piştgiriya xwe ji bo azadiya çapemeniyê û azadiya pênûsê aniye ziman.
Serokwezîrê Herêma Kurdistana Federe Mesrûr Barzanî jî di peyama xwe de gotiye ku hikumeta Kurdistanê piştgriiya azadiya ragihandinê dike.
BAKUR
HDP Kurdî jî li ser hesabê xwe yê tora civakî peyama pîrozbahiyê belav kir û got, "125 saliya Rojnamegeriya Kurdî û derxistina Rojnameya Kurdistanê li xemxur û kedkarên çapemeniya Kurdî û li şopdarên heqîqetê pîroz be. Bi vê boneyê em ji Mîqdad Mîdhed Bedirxan heta Apê Mûsa, hemû şehîdên çapemeniya Kurdî bi rêzdarî bi bîr tînin."
KNK'ê (Kongreya Neteweyî ya Kurdistanê) jî duh peyamek belav kiribû û ev roj pîroz kiribû.
***
Nûçeyên Eleqedar:
- KNK'ê ji bo rojnameya Kurdistanê peyam belav kir