Diyarname

Rêveberiya Xweser a Bakur û Rojhilatê Sûriyeyê îro li deklerasyona ji bo çareseriyê eşkere kir. Rêveberiyê bangî Hikumeta Sûriyeyê kir.

Rêveberiya Xweser li ber avahiya Meclisa Rêvbeer a Rêvberiya Xweser a li Reqayê deklerasyon eşkere kir. Hevserokê Rêveberiya Xwesed Hamîd El Mihbaş deklerasyon xwend û got ku ew dixwazin çareseriya siyasî saz bikin.

YEKÎTIYA XAKA SÛRIYEYÊ

Di deklerasyone de hat gotin ku ew teqezî li ser yekîtiya xaka Sûriyeyê dikin û çareserî di vê de dibînin û wiha hat gotin: "Divê çareseriyeke demokratîk ku hemû beşên civakê bi rêya bawerî û itîrafa bi mafên rewa yên hemû pêkhateyên (Kurd, Ereb, Suryan û Asûr) û yên ol ku civaka sûrî ji wan pêk tê, parastina mafên komî yên van pêkhaateyan, pêxistina nirx û mekanîzmeyên demokratîk, avakirina sîstemeke rêveber, siyasî, demokratîk, pirreng û ne navendî ku mafên her kesî bêyî cûdahî diparêze, beşdar bibin."

TECRUBEYÊN RÊVEBERIYA XWESER

Li ser tecrubeya Rêveberiya Xweser hat sekinîn û ev yek lê hat zêdekirin: "Bi rêya tecrubeya sîstema demokratîk ku li herêmên Bakur û Rojhilatê Sûriyeyê tê meşandin, hate teqezkirin ku hemû gelên herêmê dikarin hemû mafan bidest bixin, bi azadî bijîn. Ev jî di nava atmosfereker aramî û ewlehiyê de. EV yek dikare bibe bingeha sereke ya çareserkirina aloziya li Sûriyeyê.

MESELEYA ABORÎ Û DERIYÊN SÎNOR

Li ser aboriya herêmê û deriyên sînor jî wisa hat gotin: "Em teqez dikin ku zengînbûn û çavkaniyên aborî yên heyî divê bi awayekî wekhev li hemû herêmên Sûriyeyê werin belavkirin. Ji ber çavkaniyên heyî li Bakur û Rojhilatê Sûriyeyê mîna (Petrol, gaz û berhemên çandiniyê) mîna hemû çavkaniyên heyî li herêmên din ên Sûriyeyê ye û ew jî milkê hemû gelê Sûriyeyê. Em careke din teqez dikin ku divê ev çavkanî bi rêya lihevkirina bi hikumeta Sûriyeyê re û bi rêya diyalog û lihevkirinê, beşdar bibin. Ji bo peydakirina pêwistiyên sereke divê deriyê Yarûbiyê (Til Koçer) û deriyên din jî bêne vekirin."

Di deklerasyonê de hat gotin ku li hemberî rêxistinên terorî û DAIŞ'ê dê têkoşîna wan bidome û li aliyê din hat gotin ku êrîşên ji derveyî Sûriyeyê yên guhartina demografiyê nayên qebûlkirin.

BANGA ÇARESERIYÊ

Rêveberî di deklerasyone de banga çareseriyê kir û wisa got: "Bi armanca pêşxistina çareseriyeke demokratîk û aştiyane li Sûriyeyê, di serî de em bang li dewletên ereban, Neteweyên Yekbûyî û hemû hêzên navneteweyî yên ku di mijara Sûriyeyê de çalak in, dikin û em bang li hemûyan dikin ku roleke erênî û bi bandor ku di destekê bide peydakirina çareseriyeke hevbeş bi hikûmeta Sûriyeyê, Rêveberiya Xweser û hêzên din re."