Diyarname

Heta niha welatê herî qelebalix ê dinyayê Çîn bû lê niha ev paye ji dest Çînê derket; êdî welatê herî qelebalix Hindistan e. Nifûsa Hindistanê derket mîlyarek û 429 mîlyonî. Çin di mîlyanek û 426 mîlyonî de ma. Di meha rêbendanê de hatibû eşkere kirin ku nifûsa Çînê kêm bûye ku piştî sala 1961'ê yekem car nifûs ne zêde lê berevajî kêm dibe. Loma jî niha textê yekemînî guherî.

Neteweyên Yekbûyî raporeke nû belav kir. Li gor vê raporê Çînê ev paye teslîmê Hindistanê kir. Di 12 salên dawî de 210 mîlyon nifûs li nifûsa Hindistanê zêde bûye. Texmîn ew e ku ji sala 2020'î ve heta niha her sal nêzî mîlyonek kes li nifûsa Hindistanê zêde bûye. Li gor daneyan wisa dewam bike di sala 2064'an de nifûsa Hindistanê dê bigihîje 1.7 mîlyarî.