Diyarname
Neteweyên Yekbûyî (NY) "Sala 2012'yan di Siyasetê de Nexşeya Jinan" raporek amade kir. Li gor vê raporê di nav 143 welatan de Tirkiye di rêza 88'an de ye. Herî zêde li Rûandayê (sedî 56,3) jin di nav siyasetê de hene û Rûanda bi vê rêjeyê bûye yekemîn.

Di nav nexşeya NY'ê de bi hejmara jinên di nav siyasetê de welatên Îskandînav li pêş in.

Di nnexşeya Yekîtiya Navperelenan û Beşa Jinan a NY'ê de ev xal derketin pêş:

- Li Tirkiyeyê ji hemû mebûsan sedî 14,2 jin in û bi vê rêjeyê Tirkiye ji nav 143 welatan di rêzên dawî, di rêzo 88'an de cih girtiye.*
- Rûanda bi sedî 56,3 rêza yekemîn, Andorra rêza duyemîn (sedî 50), Kuba (sedî 45,2) rêza sêyemîn de cih girtiye. Di nav lîsteyê de li 9 welatan hejmara mebûsên jin bi ser sedî 40'î re ye.
- Wekî Jinên Wezîr jî Tirkiyeyê bi sedî 4 di nav 96 welatan de di rêza 96'an de cih girtiye. Di vê beşê de Norwecê rêza yekemîn bi dest xistiye. Li Norwecê sedî 52,6 wezîr jin in. Piştî wê Swêd tê ku li wir jî sedî 52,2 wezîr jin in. Û di rêza sêyemîn de jî Fînlandiya û Îzlanda hene ku li wir jî sedî 50 wezîrên li hikumetê jin in.
- Herêma ku li meclisê herî hindik jin hene jî herêma Ereban e. Li vê herêmê tenê sedî 11,3'yê mebûsan jin in.
- Li gor lîsteyê li 8 welatan serokdewletên jin hene û li 17 welatan jî serokwezîrên jin hene.

Nota Diyarnameyê: Li Tirkiyeyê di nav hemû partiyan de herî zêde di nav BDP'ê de jin hene. Li BDP'ê ji bo jinan kota sedî 40 e.