Diyarname
Nivîskar û wênesaz Fewzî Bîlge ku heta niha çend pirtûkên çîrokan nivîsandibû vê carê dest avêt romanê. Romana Bîlge bi navê “Dema Yezdan Dibişirî” ji Weşanên Ronahî derket.

Weşanên Ronahî ragihandiye ku heta Newrozê dê her hefteyê pirtûkek biweşînin. Di vê çarçoveyê de romana Fewzî Bîlge bi navê “Dema Yezdan Bişirî” weşand.

Hem li nav welatên dinyayê hem jî li nav kurdan gelek kesî heta niha li ser bûyerên dîrokî pirtûkên wêjeyî nivîsandin. Hinan ev bûyerên dîrokî kirine çîrok, hinan kirine destan, hinan jî roman rêstine. Fewzî Bîlge ku berê bi çîrokên xwe bûyerên dîrokî yên kurdan kiribû mijara  xebata xwe ya wêjeyî vê carê romana xwe li ser bûyereke dîrokî ya kurdan nivîsiye. Bîlge li ser dîroka Merwaniyan romana xwe rêstiye.
Dewleta Merwanî ku di sedsala 10’an de li Farqîna Amedê hatibû sazkirin berê Îlhamî Sîdar jî romaneke li ser (lê bi tirkî, binavê “Dagli”/Çiyayî) nivîsî bû. Niha Bîlge romana xwe “Dema Yezdar Bişirî” li ser Merwaniyan saz kiriye.
Roman ji Bazê kurê Dostik dest pê dike heya Nîzamû Dewle û têkçûna Merwaniyan tê. Nivîskar û wêjevan Fewzî Bîlge bi romana xwe xwendevanan dibe serdema Merwaniyan.