HAGEN
Yekîtiya Mamosteyên Kurd (YMK) roja 25.2.2012'an li Navenda Çanda Kurd a Hagenê bi bêşdarbûna piraniya endaman, kongreya xwe ya 13'emîn li dar xist.
Piştî hilbijartina dîwanê kongreyê dest pê kir û pêşî Serokê YMK'ê Muharem Ayalp axaftina destpêkê ya kongreyê kir. Ayalp li ser pêvajoyê sekinî û bi berfirehî li ser perwerdehiya bi kurdî sekinî.
 
Di kongreyê de ji bo plansaziya du salên pêş di bin navên van serenavan de biryar hatin girtin: Karên sazûmankarî, ji ber bikaranîna civakî (ê.V) karên daîreya bacê, karên bi çapemenî û saziyên Kurdistanî re, têkiliyên bi saziyên perwerde û pîşeyî yên ewropî yên wekî Sendîqa Mamosteyên Alman GEW re, karên perwerdeya navxweyî û mamosteyên kurd û hîndekaran, amadekirin û berfirehkirina materyalan, ji bo xurtkirina têkiliyên bi endaman re, pêkanîna civînan, têkiliyên bi mamosteyên li welatên Ewropî yên din re...

Di dawiya kongreyê de ev kes ji bo rêveberiya nû hatin hilbijartin.:
Muharem Ayalp: Serok
Fetah Timar û Abdulmelîk Aykoç: Cîgirên Serok
Abdulkadîr Ulumaskan: Nivîsevan
Yusuv Bilgîç: Berpirsê darayî
Mahmut Aydin, Fewzî Ozmen, Mahmut Şenturk û Huseyîn Yigit: Endamê Komîteya Rêveberiyê
Her wiha Emîn Akbaş û Mahmut Akbayir jî wek cihgir erk wergirtin.

Di kongreyê de axaftina dawî Serokê Pena Kurd Zerdeşt Haco kir ku ew di heman demê  endamê YMK'ê ye.