Diyarname

73'yemîn Festîvala Fîlman a Berlînê 'Berlînale' bi merasima xelatdayînê bi dawî bû. Di festîvalê de xelata mezin Hirça Zêrîn dan fîlme derhênerê fransî Nicolas Philibert ê bi navê "Sur l'Adamant".

Festîvalê 16'ê reşemiyê dest pê kir. 19 fîlm ji bo Xelata Hirça Zêrîn di pêşbaziyê de bûn. Bi temamî ji 67 welatan 283 fîlm hatin nîşandayîn.

Merasima xelatdayînê êvara 25'ê mehê li Sînemaya Palast Berlînaleyê li dar ket. Fîlmê derhêner Philibert ku ji fîlm wêdetir belgefîlm e bi xelata Fîlmê Herî Serketî Hirça Zêrîn hat xelatkirin.

Xelata Derhênerê Herî Serketî Hirça Zîvîn bi fîlmê "Le Grand Chariot" dan derhêner Philippe Garrel. Xelata Mezin a Juriyê jî derhêner Christian Petzold bi fîlmê xwe "Roter Himmel"ê girt.

Xelata Lîstikvana Herî Serketî ku ji bo vê xelatê jî Hirça Zêrîn didin, dan lîstikvana spanyolî Sofia Otero. Otero keçikek 8 salî ye û bi rola xwe ya di fîlmê "20.000 Species of Bees" de ev xelat girt.

Xelata Belgefîlmê Herî Serketî dan belgefîlmê "The Echo" ku ev xelat beramberî 40 hezar Euroyî ye. Derhêner Tatiana Huezo di belgefîlmê xwe "The Echo" de çîroka gundekî li çiyê yê li Meksîkayê tîne ziman.
Li aliyê din festîval ku her sal Xelata Rûmetê dide kesek, îsal da derhênerê navdar Steven Spielberg.

Nûçeya Eleqedar:

- Derhênerên kurd jî diçin Berlînaleyê, bername eşkere bû

- 'Xelata Rûmetê' didin Steven Spielberg